وحدت نیوز(اسلام آباد) مجلس وحدت مسلمین کے مرکزی شعبہ اطلاعات و نشریات کے زیر اہتمام تین روزہ میڈیا ورکشاپس کا آغاز جامعۃ الصادق کراچی کمپنی میں آج بروز جمعہ سے ہو گا جو 26 فروری تا 28 فروری جاری رہیں گی۔ورکشاپس سے ملک کے نامور صحافی، اینکرز،  کالم نگار اور ذرائع ابلاغ سے تعلق رکھنے والی معروف شخصیات خطاب کریں گی۔

ورکشاپ میں پنجاب، جنوبی پنجاب،خیبر پختونخوا، آزادکشمیر اور گلگت بلتستان سے ایم ڈبلیو ایم کے صوبائی و ضلعی میڈیا سیکرٹری شریک ہوں گے۔ مجلس وحدت مسلمین کے مرکزی ڈپٹی سیکرٹری اطلاعات مظاہر شگری نے کہا ہے کہ میڈیا ورکشاپس کا مقصد نوجوانوں کو میڈیا کے جدید تقاضوں سے آگاہ کرنا اور ان کی صلاحیتوں میں مزید نکھار پیدا کرنا ہے۔

انہوں نے کہا ففتھ جنریشن وار کا مقابلہ کرنے کے لیے مواصلات کی تمام تکنیکوں سے مکمل آگہی اورسیاسی بصیرت انتہائی ضروری ہے۔مذہبی و سیاسی جماعتوں سے وابستہ افراد مخصوص و اٹل نظریات کے باعث اپنے ملک و قوم کا میڈیا کے محاذ پر بہترین دفاع کر سکتے ہیں۔انہوں نے کہا کہ یہ ورکشاپش ہمارے کارکنوں کو میڈیا کی نئی جہتوں کو سمجھنے میں معاون و مددگار ثابت ہو گی۔