وحدت نیوز(اسلام آباد) مجلس وحدت مسلمین پاکستان کے مرکزی شعبہ اطلاعات ونشریات کے زیر اہتمام 3 روزہ میڈیا ورکشاپ اسلام آباد میں منعقد ہوگی ،ورکشاپ شاپ میں پنجاب، خیبرپختونخوا ،گلگت بلتستان اور جنوبی پنجاب کےمیڈیا سیکریٹریزشرکت کریں گے۔ ملک کے نامور صحافی و تجزیہ کار خصوصی لیکچرز دیں گے ۔ ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری اطلاعات مظاہرحسین شگری نے میڈیا سیل سے جاری اپنے بیان میں کیا۔

انہوں نے کہاکہ موجودہ دور میں پرنٹ ، الیکٹرونک اور سوشل میڈیا اہمیت وافادیت سے انکار ممکن نہیں، حق سچ کی ترویج کیلئے ذرائع ابلاغ کا اہم کردار ہے ، ایم ڈبلیوایم شعبہ اطلاعات ونشریات کے زیر اہتمام تین روزہ میڈیا ورکشاپ 26،27،28 فروری 2021 کو اسلام آباد میں منعقد ہوگی ۔

انہوں نے کہاکہ تین روزہ ورکشاپ میں پنجاب، خیبرپختونخوا ،گلگت بلتستان اور جنوبی پنجاب سے شریک میڈیا سیکریٹریز کو جدید شعبہ جاتی مہارتوں سے روشناس کرانے کیلئےپرنٹ ، الیکٹرونک اور سوشل میڈیا سے تعلق رکھنے والے ماہرین، صحافی حضرات ، تجزیہ کار اور اینکرزکو مدعو کیا گیاہے۔