وحدت نیوز (لاہور) مجلس وحدت مسلمین پاکستان صوبہ پنجاب کے نئے صوبائی سیکریٹریٹ واقع کینال ویو ہاؤسنگ سوسائٹی نزد ٹھوکر نیاز بیگ کا افتتاح مرکزی ڈپٹی سیکرٹری جنرل علامہ محمد امین شہیدی نے کیا ۔اس موقع پر جشنِ بعثتِ رسول ؐ وافتتاحی تقریب نئے صوبائی آفس میں علامہ عبدالخالق اسدی صوبائی سیکرٹری جنرل کی زیر صدارت منعقد ہوئی ، تقریب میں ضلع بھر سے تنظیمی عہداداران عمائدین لاہور اور مرکزی و صوبائی کابینہ کے اراکین نے شرکت کی ، تقریب سے خطاب کرتے ہوئے علامہ محمد امین شہیدی نے یمن جنگ اور آل سعود کے مستقبل اور گلگت بلتستان میں عام انتخابات کے حوالے سے تفصیلی گفتگو کرتے ہوئے کہا کہ آلِ سعود نے اپنی تباہی کی بنیاد رکھ دی ہے اور اپنا کردار عالم اسلام میں مجرمانہ ثابت کر دیا ہے انہوں نے مزید کہا کہ امام کعبہ نے اپنے حالیہ دورہ میں مخصوص دہشت گرد گروہ ریالوں کی بوریاں تقسیم کی ہیں۔گلگت بلتستان الیکشن کے حوالے سے انہوں نے بتایا کہ مجلس وحدت مسلمین پہلی دفعہ اس طرح انتخابات کے میدان میں وارد ہوئی ہے اور عوام کی طرف سے پزیرائی حوصلہ افزاء ہے انشاء اللہ مجلس وحدت گلگت بلتستان میں ایک بڑی اور قائدانہ جماعت بن کر اُبھرے گی ،اس کے علاوہ تقریب سے علامہ عبدالخالق اسدی ، علامہ احمد اقبال رضوی مرکزی سیکرٹری تربیت ، علامہ سید امتیاز علی کاظمی نے بھی خطاب کیا اس کے علاوہ تقریب میں آئی ایس او کے مرکزی صدر برادرتہور عباس حیدر نے بھی خصوصی طور پر شرکت کی ۔

وحدت نیوز(سجاول) سجاول میں 1986 میں شہید قائد علامہ عارف حسین الحسینی کے دست مبارک سے افتتاح کی ہوئی مسجد حسینی کا شھید قائد کے معنوی فرزند علامہ راجہ ناصر عباس جعفری کے حکم پر تعمیرنو کے کام کا باقائدہ آغاز کردیا گیا ہے، تعمیر نو کاکام مجلس وحدت مسلمین کے رفاحی خیرالعمل فائونڈیشن کے جانب سے کیا جارہا ہے، جس کی نگرانی ایم ڈبلیوایم کے ضلعی سیکریٹری جنرل مختار علی دایو کریں گے۔

وحدت نیوز (روندو) مجلس وحدت مسلمین پاکستان بلتستان ڈویژن کی جانب سے تحصیل روندو علاقہ طورمک میں واٹر سپلائی پروجیکٹ کی منصوبہ بندی کے بعد باقاعدہ کام کا آغاز ہوا۔ ایم ڈبلیوایم پاکستان کے فلاحی ادارہ خیرالعمل فاونڈیشن کے زیراہتمام شروع ہونے والے منصوبہ پر لاکھوں کی لاگت آئے گی اور اس منصوبہ سے طورمک کے پانچ سو سے زائد گھرانے کے لیے پینے کا صاف پانی مہیا ہوگا۔ واٹر سپلائی پروجیکٹ کی افتتاحی تقریب کے موقع پر روندو کے علماء کرام جن میں شیخ رضا بہشتی، علامہ سید احمد شاہ اور علامہ آغا اکبر شاہ کے علاوہ روندو کے عمائدین اور عوام کی کثیر تعداد موجود تھی۔ اس موقع پر مقامی علماء اور عوام نے سیکرٹری جنرل ایم ڈبلیو ایم پاکستان کے رہنما اور تمام مسئولین کا شکریہ کیا کہ انہوں نے روندو کی عوام کے اس دیرینہ مطالبے کو حل کیا اور عوام کی ایک بڑی تعداد کو پینے کے صاف پانی کی فراہمی کے لیے لاکھوں روپے کی لاگت پر مشتمل پروجیکٹ کا آغاز کیا۔ اس موقع علامہ آغا علی رضوی نے کہا کہ بلتستان کی محروم اور پسماندہ عوام کے مسائل کو حل کرنے کے لیے مجلس وحدت مسلسل جدوجہد کرتی رہے گی۔

وحدت نیوز(اسلام آباد) نور الہدیٰ ویلفیئر ٹرسٹ کے تحت قائم معصومہ انسٹیوٹ آف اسلامک اسٹڈیز کا افتتاح کر دیا گیا۔ افتتاحی تقریب بارہ کہو، اسلام آباد میں منعقد ہوئی، جس میں مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری، علامہ حسنین گردیزی، علامہ اصغر عسکری، علامہ نادر حسنین، علامہ اعجاز بہشتی اور دیگر نے شرکت کی۔ علامہ ناصر عباس جعفری نے اپنے دست مبارک سےادارے کی نو تعمیرشدہ  عمارت کافیتہ کاٹ کر افتتاح کیا۔

وحدت نیوز (ملتان)  مجلس وحدت مسلمین پاکستان کے شعبہ وحدت یوتھ پاکستا ن اوروحدت اسکائوٹس پاکستان کے مرکزی سیکریٹریٹ  کا افتتاح مرکزی سیکرٹری جنرل مجلس وحدت مسلمین علامہ راجہ ناصر عباس جعفری نے گلگشت کالونی ملتان میں کردیا۔ اس موقع پر مرکزی سیکرٹری جنرل علامہ راجہ ناصر عباس جعفری، مرکزی سیکرٹری اُمور جوان سید فضل عباس نقوی، صوبائی سیکرٹری اُمورجوان پنجاب علامہ حسن رضا ہمدانی، علامہ اقتدار نقوی، علامہ زکریا ترابی، علامہ قاضی نادر حسین علوی، علامہ محمد حسین مہدوی، علامہ مظہرعباس صادقی، مولانا عمران ظفر، سید ابوعبداللہ شوکت زیدی، محمد عباس صدیقی، سیکرٹری اطلاعات جنوبی پنجاب ثقلین نقوی سمیت دیگر تنظیمی شخصیات موجود تھیں۔

وحدت نیوز (ملتان) مجلس وحدت مسلمین پاکستان کے مرکزی سیکریٹری یوتھ ونگ فضل عباس نقوی ایڈووکیٹ نے مرکزی میڈیا سیل سے جاری اپنے بیان میں کہا ہے کہ وحدت یو تھ پاکستان کے مرکزی سیکریٹریٹ کا افتتاح کل ملتان میں  مجلس وحدت مسلمین پاکستان کے سربراہ علامہ راجہ ناصر عباس جعفری اپنے دست مبارک سے کریں گے ، گلگشت کالونی ملتان میں قائم کردہ مرکزی سیکریٹریٹ کے افتتاح کے بعد ملک بھر میں وحدت یوتھ کے دفاتر کھولے جائیں گے اور ملک بھر میں جوانوں کو منظم کر کے وحدت یوتھ پارلیمنٹ  تشکیل دی جائے گی ،فضل عباس نقوی کا کہنا تھا کہ مرکزی سیکریٹری جنرل علامہ راجہ ناصر عباس جعفری کل ایک روزہ دورے پر ملتان تشریف لا رہے ہیں ، جہا ں وہ وحدت یوتھ پاکستان کے مرکزی سیکریٹریٹ کے افتتاح کےعلاوہ  عزاداری کانفرنس سے خطاب کریں گے ، معززین ، بانیان مجالس ، تعزیہ داران ، لائسنس داران اور ماتمی سنگتوں کے ذمہ داران سے خطاب کریں گے ۔