وحدت نیوز(کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے کراچی کے مقامی ہسپتال میں سانحہ مستونگ کے زخمیوں کی عیادت کی۔ اس موقع پر ان کے ہمراہ علامہ عباس وزیری، وحدت یوتھ کے صوبائی سیکرٹری مہدی عباس، ایم ڈبلیو ایم کراچی کے رہنما اصغر عباس زیدی، احسن عباس رضوی، آصف صفوی سمیت دیگر رہنما بھی موجود تھے۔ علامہ امین شہیدی نے زخمیوں سے گفتگو کرتے ہوئے کہا کہ آپ کی قربانیوں نے حکومت وقت کو طالبان سے مذاکرات کے بجائے آپریشن کرنے پر مجبور کر دیا ہے، یہ آپ لوگوں کی ہی استقامت کا نتیجہ ہے کہ قوم آج طالبان کی دہشت گردی کے خلاف ایک سمت میں سوچ رہی ہے۔

ایم ڈبلیو ایم کے مرکزی ڈپٹی سیکرٹری جنرل کا کہنا تھا کہ طالبان دہشت گردوں کے خلاف جنگ میں حکومت کی حمایت کا اعلان کریں گے، کیونکہ ملک بچانے کے لئے طالبان کے خلاف آپریشن ناگزیر ہوچکا ہے۔ علامہ امین شہیدی کا کہنا تھا کہ جو سیاسی و مذہبی جماعتیں اب بھی 55 ہزار پاکستانیوں کی شہادتوں کے باوجود طالبان کے ساتھ مذاکرات کی حامی ہیں وہ وطن دوست نہیں ہیں، کیونکہ پاکستان کی عوام کی اکثریت طالبان دہشت گردوں کے خلاف آپریشن کا مطالبہ کر رہی ہے، امید ہے کہ نواز حکومت 55 ہزار پاکستانیوں کے قاتلوں کے خلاف بھرپور آپریشن کرکے شہداء کے لواحقین کا ساتھ دیں گے۔

وحدت نیوز(کراچی) ناصر ملت علامہ راجہ ناصر عباس جعفری کی اپیل پر ملک بھر کی طرح ملیر میں بھی  جشن ولادت با سعادت حضرت محمد مصطفیٰ ﷺکے موقع پر مجلس وحدت مسلمین ضلع ملیر کی جانب سے نادعلی اسکوائر تا جناح اسکوائر میلاد ریلی نکالی گئی ، جس کی قیادت ضلعی سیکریٹری جنرل احسن عباس رضوی نے کی ، اس موقع پر اہل تشیع بردران  کی جانب سے منفرد نویت کا ۶۰ فٹ بلند پرچم بھی برآمد کیا گیا، جسے اٹھانے کے لئے تمام شیعہ اور خصوصاًاہل سنت جوانوں نےانتہائی عقیدت کا اظہا رکیا،اس موقع پر شرکائے جلوس نے لبیک یا رسول اللہ ﷺ، لبیک یاحسین ؑ، شیعہ سنی بھائی بھائی امریکہ نے آگ لگائی کے فلگ فگاف نعرے لگائے۔اس ریلی میں شیعہ سنی شرکاء سمیت ایم ڈبلیوایم کے رہنماسجاد اکبرزیدی، اسد علی زیدی، سعید رضا، ثمر زیدی اور مختار امام بھی موجود تھے۔

وحدت نیوز(کراچی) جشن ولادت  با سعادت حضرت محمد مصطفیٰ ﷺکےپر مسرت موقع پر ناصر ملت علامہ راجہ ناصر عباس جعفری کی اپیل پر لبیک کہتے ہو ئے مجلس وحدت مسلمین ضلع ملیر اور امامیہ اسٹوڈنٹس آرگنائزیشن جعفرطیار یو نٹ نے نادعلی اسکوائر پر استقبالیہ کیمپ اور سبیل کا اہتمام کیا، ۱۱ ربیع الاول کی شب میں استقبالیہ کیمپ پر وحدت پر مبنی ڈاکو منٹری فلم دکھائی گئی جسے تمام اہل تشیع اور اہل سنت برادران نے خوب سراہا، ۱۲ ربیع الاول کی صبح جلوس میلاد النبی ﷺ کا استقبال پھول نچاور کر کے کیا گیا ، شیعہ سنی مکتب فکر سے تعلق رکھنے والے علمائے کرام نے سیرت نبی کریم ﷺ اور اتحاد و وحدت بین المسلمین کے عنوان پر گفتگو کی،شیعہ و سنی نعت خوانوں نے بارگاہ نبی اکرم ﷺمیں نذرانہ عقیدت پیش کیا ،  شربت کی سبیل سے شرکائے جلوس کی تواضع کی گئی ، اس موقع پر پروفیسر آصف علی نقوی نے نظامت کے فرائض انجام دیئے ، شرکائے جلوس میلاد البنی ﷺ اور علمائے اہل سنت کو مولانا حامد حسین مشہدی، مولانازوالفقار جعفری، مولانا حسین محسنی ،مولانا عباس مواحدی ، مولانا محمد حسین مطہری نے خوش آمدید کہا، اس موقع پر ضلعی سیکریٹری جنرل احسن عباس رضوی ، ایم ڈبلیو ایم کے رہنما ثمر عباس ، ڈاکٹر حسن جعفر، حسن عباس، اسد علی ،سعید رضا، شیراز زیدی، نقی زیدی، مختار امام، نیئر رضا  و دیگر بھی موجود تھے۔

استقبالیہ کیمپس پر خطاب کرتے ہوئے مختلف اہلسنت و اہل تشیع علماء کرام نے کہا کہ امریکہ و اسرائیل کی ایماء ہر دہشتگرد تکفیری عناصر امت مسلمہ میں تفرقہ ایجاد کرنے کی ناپاک سازشیں کرنے میں مصروف ہیں، مگر پاکستان بھر میں جشن عید میلاد النبی (ص) کے جلسے جلوسوں میں سنی شیعہ مسلمانوں کی بھرپور شرکت نے عالمی استعمار امریکہ و اسرائیل کے نمک خوار ایجنٹ دہشتگرد تکفیری عناصر کے منہ پر ناصرف تمانچہ مارا ہے بلکہ انہیں ذلیل و رسوا کرکے ماضی کی طرح ان کی تمام سازشوں کو ناکام بنا دیا ہے۔

علماء کرام نے کہا کہ مملکت خداداد پاکستان میں فرقہ وارایت نہیں ہے بلکہ دہشتگرد تکفیری ٹولہ عالمی سامراج امریکہ کے ایجنڈے پر عمل کرتے ہوئے پاکستان کو بھی عراق اور شام بنانا چاہتا ہے۔ جشن عید میلاد النبی (ص) کے جلوسوں میں بھرپور شرکت کرنے پر سنی شیعہ عوام کو خراج تحسین پیش کرتے ہوئے علماء کرام نے کہا کہ کراچی سمیت ملک بھر میں عاشقان و غلامان حضرت محمد مصطفٰی (ص) اور اہلبیت اطہار (ع) نے جس طرح اپنے عشق محمد (ص) کا مظاہرہ کیا ہے، اس سے یہ بات ثابت ہوتی ہے کہ سنی شیعہ مسلمان اسلام و پاکستان دشمنوں اور امریکی سعودی ایماء پر دہشتگردانہ کارروائیاں کرنے والے تکفیری طالبان کے خلاف متحد ہیں، لہٰذا حکومت بھی دہشتگرد طالبان کے ساتھ مزاکرات کرنے کے بجائے دہشتگردوں کے خلاف فی الفور آپریشن کا آغاز کرے۔

وحدت نیوز(کراچی) مجلس وحدت مسلمین ضلع ملیر کے سیکریٹری میڈیا سیل سید محمد جعفر رضوی کی اہلیہ اور شعبہ خواتین کے فعال رکن سیدہ سارا جعفر کی ناگہانی وفات پر مجلس وحدت مسلمین صوبہ سندھ کے سیکریٹری جنرل علامہ مختار احمد امامی ،صوبائی ڈپٹی سیکریٹری جنرل علامہ صادق رضا تقوی،ڈویژنل رہنما علامہ مبشر حسن ،ڈویژنل رہنما علامہ علی انور جعفری، ڈویژنل سیکریٹری جنرل حسن ہاشمی اورضلعی سیکریٹری جنرل احسن عباس رضوی نے جعفر رضو ی اور ان کے اہل خانہ سے دلی تعزیت کا اظہار کیا ہے اور مرحومہ کی مغفرت اورجوار معصومین علیہ السلام میں جگہ کے حصول کی دعا کی ہے ۔

وحدت نیوز(کراچی) مجلس وحدت مسلمین ضلع ملیرعوامی خدمت کے جذبے کے پیش نظر آئندہ بلدیاتی الیکشن میں پاکستان پیپلز پارٹی کے ساتھ مشترکہ پینل تشکیل دے گی ، عوامی مسائل کا حل مجلس وحدت مسلمین کی بنیادی ترجیح ہے ، ہماری جماعت کی بنیاد ایک مسلک پر ضرور ہے لیکن فرقہ واریت ہمارا ایجنڈہ نہیں ہے ، ضلع کے عوام کو بنیادی ضروریات کی فراہمی میں اپنی تمام تر صلاحیتیں بروئے کا رلائیں گے ، ان خیالات کا اظہار مجلس وحدت مسلمین ضلع ملیر کے سیکریٹری جنرل احسن عباس رضوی نے پاکستان پیپلز پارٹی ضلع ملیر کے صدرعبد الرزاق راجہ سے وفد کے ہمراہ ان کے دفتر میں ملاقات کے موقع پر کیا ۔ایم ڈبلیو ایم کے ضلعی پولیٹیکل سیکریٹری حسن عباس ، ضلعی کوآرڈینیٹر ذکی زیدی،انفارمیشن سیکریٹری محمد جعفر ، رابطہ سیکریٹری سعید رضا، اسد علی زیدی اور پیپلز پارٹی کے رہنما ڈاکٹر واجد عابدی ، محمد علی گلگتی بھی ملاقات میں موجود تھے۔

احسن عباس رضوی کا کہنا تھا کہ مجلس وحدت مسلمین اور پاکستان پیپلز پارٹی کے درمیان مختلف مسائل پر بات چیت جاری ہے ، جن میں ضلع کے عوام کے بنیادی ضروری مسائل کے حل کے لیئے ملاقاتیں جاری ہیں ، ضلع ملیر کی مختلف یونین کونسل میں مجلس وحدت اور پیپلز پارٹی کے درمیان سیاسی اتحاد تشکیل پا چکا ہے ، اور انشاء اللہ آئندہ الیکشن میں دونوں جماعتیں مشترکہ پینل تشکیل دیں گی ، مخلص اور دیندار قیادت اور عوامی نمائندوں کو سامنے لانا اور انہیں کامیاب بناکر عوامی خدمت کے لئے پیش کرنا ہمارا بنیادی ہدف ہے ۔

پاکستان پیپلز پارٹی کے رہنما عبدالرزاق راجہ کا کہنا تھا کہ ضلع کے عوام کے بنیادی مسائل کے حل کے لئے ہم مجلس وحدت مسلمین کے ساتھ ہر قسم کے تعاون کے لئے تیار ہیں ، پیپلز پارٹی اور مجلس وحدت مسلمین کے کافی مشترکات ہیں ،جن پر ہم اکٹھا ہو کر بہتر انداز میں عوامی خدمت انجام دے سکتے ہیں ، عبد الرزاق راجہ نے وفدکو یقین دہانی کراوائی کے ضلعی سطح پر درپیش عوامی مسائل کے حل کے لئے جس فورم پر بھی آواز اٹھانا پڑی اٹھائیں گے، انہوں نے ایم ڈبلیو ایم کے وفد کی آمد پر ان کا شکریہ ادا کیا اور آئندہ بھی ملاقاتوں کا سلسلہ جاری رکھنے پر اتفاق کیا ۔

وحدت نیوز(کراچی ) ایم ڈبلیوایم بلاتفریق عوامی خدمت پر یقین رکھتی ہے ، جس میں مسلک ، زبان اور رنگ و نسل نہیں فقط انسانیت ترجیح ہے ،  اس سلسلے میں مجلس وحدت مسلمین تمام عوام دوست سیاسی قوتوں کا ساتھ دینے کے لئے آمادہ ہے ، ہماری کوشش ہے کہ بلدیاتی الیکشن سے قبل عوامی مسائل کے حل کےلئے جس حد تک ممکن ہو کوششیں تیز کی جائیں ۔ان خیالات کا اظہار مجلس وحدت مسلمین ضلع ملیر کے سیکریٹری جنرل احسن عباس رضوی نے  پاکستان پیپلز پارٹی ضلع ملیر کے سینئر نائب صدر سلمان عبد اللہ مراد سے ان کے دفتر میں ملاقات کے موقع پر گفتگو کر تے ہو ئے کیا ، ا س موقع پر ایم ڈبلیو ایم کے ضلعی سیکریٹری سیاسیات حسن عباس ، سیکریٹری روابط سعید رضا اور سیکریٹری اطلاعات محمد جعفر ، پاکستان پیپلز پارٹی کے رہنما ڈاکٹر واجد عابدی بھی موجود تھے۔

دونوں جماعتوں کے رہنمائوں کے درمیان بلدیاتی انتخابات اور علاقائی مسائل پر تفصیلی بات چیت ہو ئی ، دونوں جماعتوں نے ضلع ملیر میں آئندہ بلدیاتی انتخابات میں مشترکہ جدوجہد کا عزم کیا ،اس موقع پر ضلعی سیکریٹری جنرل احسن رضوی کا کہنا تھا کہ ملیر کے عوام دیگر شہری آبادیوں کی نسبت زیادہ مشکلات کا مصائب کا سامنا کر رہے ہیں ، پینے کے صاف پانیہ ، بجلی اور صفائی ستھرائی کی حالت زار انتہائی تشویشناک ہے ، جس کی جانب تمام سیاسی قوتوں کو مل کر توجہ دینا ہو گی  ، ایم ڈبلیو ایم بلاتفریق عوامی خدمت پر یقین رکھتی ہے ، جس میں مسلک ، زبان اور رنگ و نسل نہیں فقط انسانیت ترجیح ہے ،  اس سلسلے میں مجلس وحدت مسلمین تمام عوام دوست سیاسی قوتوں کا ساتھ دینے کے لئے آمادہ ہے ، ہماری کوشش ہے کہ بلدیاتی الیکشن سے قبل عوامی مسائل کے حل کےلئے جس حد تک ممکن ہو کوششیں تیز کی جائیں ۔

سلمان عبد اللہ مراد کا کہنا تھا کہ ملیر کے عوام کے بنیادی مسائل کا حل پاکستان پیپلز پارٹی کا اولین حدف ہے ، اس حوالے سے ہم مجلس وحدت مسلمین کے ساتھ بھر پور تعاون کے لئے تیار ہپں ہماری خواہش ہے کہ بلدیاتی الیکشن میں ایم ڈبلیو ایم کے ساتھ مضبوط سیاسی اتحاد کے بعد اہلیان ملیر کی بہتر اندازمیں خدمت کر سکیں ۔