وحدت نیوز(اندرون سندھ) مجلس وحدت مسلمین کراچی ڈویژن کے ڈپٹی سیکریٹری جنرل علامہ دیدار علی جلبانی کی شہادت پر اندرون سندھ مختلف شہروں میں احتجاج کرتے ہوئے دھرنے دیئے گئے ریلیاں نکالی گئیں جبکہ ٹنڈو محمد خان میں شٹر ڈاؤن ہڑتال کی گئی تفصیلات کے مطابق سکھر میں شہید علامہ دیدار جلبانی اور ان کے محافظ شہید سرفراز بنگش کی شہادت کے خلاف مجلس وحدت مسلمین کی جانب سے سکھر میں احتجاجی مظاہرہ کیا گیا، مرکزی امام بارگاہ سکھر سے چوہدری اظہر حسین اور علامہ علی بخش سجادی کی قیادت میں نکالی جانے والی ریلی مختلف راستوں سے ہوتی ہوئی گھنٹہ گھر چوک پہنچی، ریلی کے شرکاء کراچی میں اہل تشیع برادری کے علماء کرام اور لوگوں کی شہادت کے خلاف سخت نعرے بازی کررہے تھے، ریلی کے شرکاء نے مختلف بازاروں اور چوراہوں پر احتجاج کرتے ہوئے گھنٹہ گھر پر دھرنا دیا۔ اس موقع پر مقررین نے اپنے خطاب میں کہا کہ سندھ حکومت کراچی میں آپریشن کی باتیں کرتی ہے لیکن دہشت گردوں اور قاتلوں کے خلاف کوئی آپریشن نہیں کیا گیا ہے، یہی وجہ ہے کہ آج دہشت گرد کھلے عام بے گناہ لوگوں کا قتل عام کر رہے ہیں اور حکومت، سیکیورٹی ادارے سب کچھ ٹھیک ہے کا نعرے لگانے میں مصروف ہیں۔ احتجاجی مظاہرین نے مطالبہ کیا کہ شہید علامہ دیدار حسین جلبانی کے قاتلوں کو فی الفور گرفتار کیا جائے۔

ہالا میں بھی کراچی میں جاری خونریزی کے دوران معروف شیعہ عالم علامہ دیدار جلبانی کی شہادت کے خلاف ہالا، نیو سعید آباد، مٹیاری، بھٹ شاہ، اڈیرولال میں شیعہ تنظیموں کی جانب سے احتجاج کیا گیا مولانا دوست علی سعیدی، زوار ولی محمد میمن، شیعہ علماء کونسل کے نائب صدر سید غلام علی شاہ اور دیگر نے مولانا دیدار علی جلبانی اور دیگر شہریوں کے قتل عام کی سخت مذمت کرتے ہوئے کہا ہے کہ اسلام اور پاکستان دشمن قوتیں عالمی دہشت گرد امریکہ کی قیادت میں براہ راست مسلم نسل کشی کے ساتھ فرقہ واریت کے ذریعہ مسلمانوں کو آپس میں لڑانے کی سازشوں میں مصروف ہیں انہوں نے کراچی سمیت ملک بھر میں پاکستانیوں کے قتال کو ختم کرانے کے لیے دہشت گرد ملزمان کی گرفتاری کا مطالبہ کیا۔ ماتلی میں شیعہ علماء کونسل کی اپیل پر ماتلی میں مکمل ہڑتال ہوئی، تمام دکانیں اور کاروباری مراکز بند رہے جبکہ ٹریفک معمول سے کم چلا، شہر میں نامعلوم افراد نے ٹائر جلائے جبکہ شیعہ تنظیموں کی جانب سے ریلی بھی نکالی گئی، ریلی کے شرکاء سے خطاب کرتے ہوئے مختلف مقررین نے علامہ دیدار جلبانی کی ٹارگٹ کلنگ کی سخت مذمت کی۔

ٹنڈو محمد خان میں علامہ دیدار علی جلبانی اور ان کے محافظ کی ٹارگٹ کلنگ میں ہلاکت کے خلاف مجلس وحدت مسلمین کی کال پر ٹنڈو محمد خان شہر میں مکمل شٹر ڈاؤن ہڑتال کی گئی جس کے باعث تمام کاروباری مراکز بھی بند رہے سڑکوں سے گاڑیاں معمول سے بہت کم رہی۔ دوسری جانب ایم ڈبلیو ایم کی جانب سے محب علی بھٹو کی قیادت میں مسجد علی سے احتجاجی جلوس برآمد کیا گیا جو شہر کے مختلف راستوں سے ہوتا ہوا پریس کلب کے سامنے پہنچا، اس موقع پر مظاہرین سے محب علی بھٹو، محمود الحسین لغاری، مولانا محمد بخش عزیزی اور محمد اشرف خاصخیلی نے خطاب کرتے ہوئے کہا کہ موجودہ حکومت ملک میں امن و امان کی صورتحال بہتر کرنے میں مکمل طور پر ناکام ہوچکی ہے اور دہشت گردی کی کارروائی میں علامہ دیدار جلبانی کی شہادت کی سخت مذمت کی اور حکومت سے مطالبہ کیا ہے کہ کراچی میں دہشت گرد عناصر کے خلاف فوری کارروائی کی جائے۔

ڈگری میں مجلس وحدت مسلمین کے ضلعی سکریٹری جنرل سید بشیر احمد شاہ نقوی اور دیگر رہنماؤں نے کراچی میں مجلس وحدت مسلمین کے رہنما مولانا دیدار جلبانی کی ٹارگٹ کلنگ میں دہشت گردی کی واردات میں ہلاکت پر شدید احتجاج کرتے ہوئے کہا ہے کہ اہل تشیع کے رہنماؤں کو گھناؤنی سازش کے تحت دہشت گردی کا نشانہ بناکر ملک و صوبے میں فرقہ وارانہ فسادات کرانے کی مذموم سازش کی جارہی ہے۔ وقت کا تقاضا ہے کہ مذہبی جماعتیں متحد ہوکر مذہبی منافرت اور دہشت گردی کے خاتمے کے لیے اپنا کردار ادا کریں۔

سیٹھارجہ میں علامہ دیدار علی جلبانی کی شہادت کے واقعے خلاف بدھ کے روز بھی سیٹھارجہ میں وحدت مسلمین کے رہنمائوں آغا طالب حسین بلوچ، زوار نثار احمد، سید احسان علی شاہ کی قیادت میں سیکڑوں کارکنوں نے احتجاجی ریلی نکالی اور حسینی چوک پر احتجاجی دھرنا دیا۔ دھرنے سے خطاب کرتے ہوئے رہنماؤں نے کہا کہ شیعہ علماء کو ٹارگٹ کرکے قتل کرنا اور مجرموں کو کیفر کردار تک نہ پہنچانا یہ عمل ملت جعفریہ کی برداشت سے باہر ہورہا ہے حکومت اپنے مفاہمتی عمل پر نظرثانی کرے اور شیعہ علماء کے قاتلوں کو فوری گرفتار کرکے ملت شیعہ کی بے چینی دور کی جائے۔ ٹھری میر واہ میں مجلس وحدت مسلمین کے رہنما مولانا دیدار جلبانی کے قتل کے سوگ میں ٹھری میر واہ شہر بند رہا اور مجلس وحدت مسلمین کی جانب سے ریلی نکال کر ناکہ نمبر 1 چوک پر دھرنا دیا گیا۔

بدین، لاڑکانہ اور ٹھٹھہ میں بھی ایم ڈبلیو ایم کے کارکنان نے علامہ دیدار جلبانی کی شہادت کیخلاف احتجاجی ریلیاں نکالیں، اس موقع پر شہر بھر میں شٹر ڈاؤن ہڑتال رہی، ریلی کی قیادت کرتے ہوئے طارق بدوی، بہادر میمن اور مختار دایو اور دیگر رہنماؤں نے کہا کہ علامہ دیدار جلبانی کی شہادت سانحہ راولپنڈی کا تسلسل ہے، ہم حکومت سے مطالبہ کرتے ہیں کہ جلد از جلد شہید اور ان کے محافظ کے قاتل گرفتار کئے جائیں ورنہ سندھ بھر میں ایسا احتجاج ہوگا جس سے حکومتی ایوانوں کے در و بام ہل جائیں۔ ان کا کہنا تھا کہ ہم ہمیشہ علامہ جلبانی شہید کا مشن جاری رکھیں گے اور ان کے قاتلوں کو رسوا کرتے رہیں گے۔

وحدت نیوز(کراچی) نواسہ رسول (ص) امام حسین علیہ السلام کے شان میں گستاخی اور میلاد النبی (ص) اور جلوس ہائے عزاداری شہدائے کربلا (ع) پر پابندی لگانے کی سازش کے خلاف ملک بھر میں یوم عظمت نواسہ رسول (ص) منایا جا رہا ہے۔ اس مناسبت سے مجلس وحدت مسلمین ضلع ملیر اور امامیہ اسٹوڈنٹس آرگنائزیشن پاکستان کراچی ڈویژن ملیر کے تحت کراچی کے علاقے حسین آباد ملیر میں جامع مسجد حسینی کے باہر بعد نماز جمعہ ایک احتجاجی مظاہرے کا انعقاد کیا گیا۔ مظاہرے میں نمازیوں کی بڑی تعداد نے شرکت کی۔ احتجاجی مظاہرے سے خطاب کرتے ہوئے مجلس وحدت مسلمین پاکستان کی شوریٰ عالی کے سربراہ مولانا شیخ حسن صلاح الدین نے کہا کہ جلاﺅ گھیراﺅ کرکے حکومتی اور نجی املاک کو نقصان پہنچانا اسلام پسند سنی شیعہ مسلمانوں کی نہیں بلکہ اسلام و پاکستان دشمن تکفیری دہشتگردوں کی کارستانی ہے، جنہیں وزیرقانون پنجاب رانا ثنا اللہ کی مکمل سرپرستی حاصل ہے۔

 
مولانا شیخ حسن صلاح الدین نے کہا کہ راولپنڈی واقعہ کے اصل ذمہ دار تکفیری مولوی کی جانب سے امام حسین علیہ السلام کی شان میں گستاخی دراصل رسول اللہ (ص) کی شان میں گستاخی اور توہین رسالت (ص) ہے، جسے فی الفور گرفتار کرکے نشان عبرت بنا دیا جائے۔ احتجاجی مظاہرے سے خطاب میں انہوں نے مزید کہا کہ وزیرقانون پنجاب رانا ثنا اللہ پنجاب میں دہشت گرد تکفیری ٹولے کے ناجائز باپ کا کردار ادا کر رہا ہے۔ انہوں نے کہا کہ راولپنڈی واقعہ کے حوالے سے بنائے گئے تحقیقاتی کمیشن کے سربراہ کے طور پردہشت گردوں کے سربراہ رانا ثنا اللہ کا نام سنی شیعہ محب وطن مسلمانوں کیلئے انتہائی تشویش کا باعث اور گھناﺅنا مذاق ہے۔ آخر میں انہوں نے مطالبہ کرتے ہوئے کہا کہ وزیرقانون پنجاب رانا ثنا اللہ کو فی الفور برطرف کیا جائے اور راولپنڈی واقعے میں تکفیری دہشت گرد ٹولے کی جانب سے جلائی گئی سنی شیعہ مسلمانوں کی املاک کا معاوضہ ادا کیا جائے۔

وحدت نیوز ( حیدرآباد) حکومت کے طالبان سے مذاکرات کی پالیسی کو مسترد کرتے ہوئے کہا ہے کہ دہشت گرد جمہوریت ، امن تعلیم اور انسانیت کے دشمن ہیں ان سے مذاکرات نہیں آہنی ہاتھوں سے نمٹا جائے ، سب سے زیادہ دہشت گردی سے ملت تشیع نشانہ بن رہی ہے ، حکومتی پالیسیوں سے لگتا ہے کہ وہ دہشت گردوں کی حامی ہے ، پاکستان میں سب سے زیادہ دہشت گردی سے ملت تشیع نشانہ بنی ہے وزیر داخلہ کو آخر نظر کیوں نہیں آتا ہے سانحہ عباس ٹاؤن ، علمدار روڈ کوئٹہ ، سانحہ ہزارہ ٹاؤن ، سانحہ کوئٹہ ، گلگت بلتستان میں سانحہ چلاس اور بسوں سے جس طرح اتار کر ایک مسلک کے لوگوں کو شہید کیا جاتا ہے اس پر کیوں وزیر داخلہ نے آنکھیں بند کررکھی ہیں ۔

ان خیالات کا اظہارایم ڈبلیو ایم صوبہ سندھ کے ڈپٹی سیکرٹری جنرل عالم کربلائی ،ضلع حیدر آباد کے سیکریٹری جنرل مولانا امداد نسیمی اور عروج تقوی نے قدم گاہ مولا علی (ع) پر احتجاجی مظاہرے سے خطاب کرتے ہوئے کیا، رہنماؤں کا کہنا تھاکہ شام کا قصور یہ ہے کہ وہ اسرائیل کا مخالف ہے اور امریکہ اور دیگر ممالک کو خلیجی ریاستوں میں آمریت کیوں نظر نہیں آتی امریکہ ، اسرائیل اور چند عرب ممالک شام پر حملہ کرکے خطہ کا امن تباہ کرنا چاہتے ہیں امریکہ سن لے آزاد اور خود مختار ممالک میں فوجی مداخلت کا نتیجہ تباہی کے سوا کچھ نہیں نکلتا امریکہ اور اس کے اتحادی شام پر حملہ کرنے سے باز رہیں ، امریکہ کا شام پر حملہ یزید وقت کا خیام حسینی پر حملہ شمار کیا جائیگا شام پر حملے کی صورت میں امریکہ کو شکست کے ساتھ ذلت بھی اٹھانا پڑے گی امریکہ اور اس کے اتحادی کیمیائی ہتھیاروں کا بہانہ تراش کر شام پر حملہ کرنا چاہتا ہے پاکستان ، شام ، یمن ، الجزائر اور مصر میں جاری عالمی دہشت گردی کے خلاف آج احتجاج منایا جارہا ہے ۔ ہمارے ملک پاکستان کی حکومتی پالیسیوں سے لگتا ہے کہ دہشت گردوں کے حامی ہیں ایک جانب دہشت گرد معصوم انسانوں اور عسکری اداروں پر حملے کرکے غداری کے مرتکب ہو رہے ہیں دوسری جانب ان سے مذاکرات کی باتیں کی جارہی ہیں ملک میں کوئی فرقہ واریت نہیں چند گروہ بیرونی آقاؤں کے کہنے پر دہشت گردی کررہے ہیں اور محبت کی جگہ منافقت پھیلا کر عوام کو مایوس کرنا چاہتے ہیں ۔

وحدت نیوز (کراچی ) ملک کا سپہ سالار کہہ رہا ہے کہ پاکستان کوبیرونی دشمن سے زیادہ اندرونی دشمن سے خطرہ ہے، لیکن حکمران دہشت گردوں سے مذاکرات کی باتیں کر رہے ہیں، قوم وہ دن جلد دیکھے گی جب مسلم لیگ ن اور طالبان کے درمیان اس عاشقی کے ڈرامے کا ڈراپ سین ہو گا، دہشت گردوں کی دھمکیوں پر پھانسی روک کر ان کے سامنے ہتھیار ڈالنے والے سیاستدانوں کو شرم آنی چاہیے، اب تو ایسا محسوس ہوتا ہے کہ دہشت گرد حکومتی ایجنٹ نہیں بلکہ حکومت دہشت گردوں کی ایجنٹ ہے ،  پاک وطن ہمارا ہے کسی وڈیرے، جرنیل، سرمایہ دار یا دہشت گرد کی جاگیر نہیں، ہم نے خون کے نذرانے دے کر یہ وطن عزیز حاصل کیا ہے۔ ملت جعفریہ  ملک کے ایک ایک انچ کا تحفظ کرے گی۔ملک سے ٹارگٹ کلنگ کیسے ختم ہوسکتی ہے، جب ٹارگٹ کلرز کے سرپرست ایوانوں  میں موجود ہوں۔ کیا وجہ ہے کہ وزیرستان میں دہشت گردوں پر ڈرون برسائے جاتے ہیں اور پاراچنار کے لوگوں کے خلاف انہی دہشت گردوں کو منظم کیا جاتا ہے، شام پر امریکی حملہ تیسری عالمی جنگ کا پیش خیمہ ثابت ہو گا ،عرب ممالک ہوش کے ناخن لیں اور مصر و شام کے مسلمانوں کے خون ِ ناحق میں اپنے ہاتھ رنگین نہ کریں ۔

ان خیالات کا اظہار علامہ حسن ظفر نقوی ، علامہ شیخ حسن صلاح الدین ، علامہ دیدار علی جلبانی ، علامہ علی انور جعفری ، علی حسین نقوی ، علامہ مبشر حسن، سجاد اکبر زیدی ، احسن عباس رضوی نے شام پر ممکنہ امریکی جارحیت ، مصر میں بیگناہوں کے قتل عام اور طالبان دہشت گردوں سے حکومتی مذاکرات کے خلاف سربراہ مجلس وحدت مسلمین پاکستان علامہ راجہ ناصر عباس جعفری کےاپیل پر کراچی میں احتجاجی مظاہرے کے شرکاء سے خطاب  میں کیا ، خوجہ مسجد کھارادر میں  بعد نماز جمعہ احتجاجی مظاہرین سے خطاب کر تے ہو ئے مجلس وحدت مسلمین پاکستان کے مرکزی ترجمان علامہ حسن ظفر نقوی کا کہنا تھاکہ   حسن نصراللہ نے اعلان کیا ہے کہ دنیا کے دہشت گردوں آؤ شام میں، تاکہ تمہارا قلع قمع کرنے کے لئے تمہیں دھونڈنا نہ پڑے۔

ان کا کہنا تھا کہ شام کے مسئلے پر عیسائی اور ہندو نہیں بلکہ  عرب حکمرانوں نے اپنی امریکی غلامی کا ثبوت دے دیا ہے ، اگر عرب حکمران  اتنے ہی مسلمانوں کے خیر خواہ اور جمہو ریت پسند ہیں تو مصر میں جمہوری حکومت کے خلاف سازشیں کیوں کیں ، خود شاہی نظام حکومت کا خاتمہ کر کے اقتدار عرب عوا م کو کیوں منتقل نہیں کر دیتے ، افسوس کا مقام ہے کہ سعودیہ جیسےاسلامی  ملک کا سرمایہ  مسلم امہ کی نسل کشی میں استعمال ہو رہا ہے ،عرب حکمران امریکہ کو پیسہ دے کر شام کے خلاف جنگ میں اپنا کردار ادا کر کے امریکہ و اسرائیل سے اپنی وفاداری کا اعلان کر رہے ہیں، ہم ہر مظلوم کے ساتھ ہیں چاہے وہ مصر ہو ، بحرین ہو ، یمن ہو یا کہ شام ، عرب لیگ کا شرمناک کردار اس بات کی دلیل ہے کہ عرب حکمران کبھی بھی امریکہ کی غلامی سے آزاد نہیں ہوں گے ۔

وحدت نیوز (کراچی) مجلس وحدت مسلمین پاکستان کراچی ڈویژن کے رہنماعلی حسین نقوی کا کہنا تھا کہ شام و مصر کے مسلمانوں سے اظہار یکجہتی اورحکومت  پاکستان کی جانب سے طالبان دہشت گردوں سے مذاکرات کے خلاف علامہ راجہ ناصر عباس جعفری کی اپیل پر  کل شہر بھر کی جامع مساجد کے باہربعد نماز جمعہ  احتجاجی مظاہرے منعقد کیئے جائیں گے ، مرکزی احتجاجی مظاہرہ خوجہ جامع مسجد کھارادر کے باہر منعقد کیا جائے گا ، جس میں مرکزی ترجمان علامہ حسن ظفر نقوی خطاب کریں گے ، اس کے علاوہ حسینی جامع مسجد برف خانہ ملیر ، جامع مسجد مصطفیٰ عباس ٹائون ، جامع مسجد حسینی ایوب گوٹھ اور جامع مسجد خدیجتہ الکبریٰ اورنگی ٹائون میں بھی احتجاجی مظاہرے منعقد کیئے جائیں گے ۔

وحدت نیوز (حیدرآباد) جنت البقیع ناصرف مکتب تشیع بلکے مکتب اہل سنت کے نذدیک بھی قابل احترام اور مقدس مقام ہے ، سعودی شاہی حکومت نے مسجد نبوی کی توسیع کی آڑ میں جو مقام مقدسہ مسمار کیئے اس عمل سے نہ خدا خوش ہوا ہوگا نہ ہی رسول کریم (ص) کی ذات مبارک، ہم تمام مسلم ممالک اور او آئی سی سے مطالبہ کر تے ہیں کہ جنت البقیع میں موجو د تمام قبور مقدس کی ازسر نو تعمیر کے لیئے سعودی شاہی حکومت پر دباؤ ڈالیں ۔

ان خیالات کا اظہار مجلس وحدت مسلمین پاکستان ضلع حیدرآباد کے سیکریٹری جنرل علامہ امداد علی نسیمی ، عالم کربلائی اور علامہ گل حسن مرتضوی نے یوم انہدام جنت البقیع کے موقع پر قدم گاہ مولا علی (ع) میں بعد نماز جمعہ احتجاجی مظاہرے سے خطاب کر تے ہو ئے کیا ۔ ان کا کہنا تھا کہ جنت البقیع میں مدفون عالم اسلام کی قابل احترام ہستیوں کی قبور کو بدردی سے منہدم کر دیا گیا ، اور عالم اسلام خاموش رہا ، جنت البقیع میں مدفون دختر رسول (ص) جناب فاطمہ زہرا (س)، امہات المومنین (رض)، اجداد رسول اکرم(ص) اور اصحاب (رض ) پیغمبر تمام مکاتب اسلامی کے لئے باعث احترام ہیں ، آل سعود نے جنت البقیع کی تاراجی کے بعد نہ صرف شیعوں بلکے تمام عالم اسلام کے قلوب کو رنجیدہ کیا ہے ۔

ان کا کہنا تھا کہتمام مسلم ممالک کے حکمران اور او آئی سی جنت البقیع میں موجو د تمام قبور مقدس کی ازسر نو تعمیر کے لیئے سعودی شاہی حکومت پر دباؤ ڈالیں ۔