وحدت نیوز (کویت) مجلس وحدت مسلمین کویت کی جانب سے کویت میں موجود پاکستانی میڈیا ، صحافی برادری اور سیاسی سماجی مذھبی و ملی شخصیات کے اعزاز و باہمی تعاون و ہم آہنگی کے فروغ کیلئے ایک پروقار تقریب عشائیہ کا اہتمام کیا گیا تھا،اس تقریب میں مجلس وحدت مسلمین کویت کی نئی کابینہ کے تعارف کے علاوہ شرکاء نے عزم نو کا اعلان اور مجلس وحدت کے عالمی انصاف کے مشن پر گفتگو کی۔ نئی کابینہ کے ارکان میں سیکرٹری جنرل مجلس وحدت مسلمین کویت جناب سیف علی ، ڈپٹی جنرل سیکرٹری سید اخلاق نقوی ،سربراہ مجلس مشاورت سید آصف شیرازی ، سیکرٹری روابط چوہدری ثقلین عباس حیدری، سیکرٹری فنانس سید ظفرعباس نقوی، سیکرٹری ایمپلائیمنٹ سیل سید کامران علی صاحب،سیکرٹری ویلفیئر سید علی حیدر نقوی صاحب، ایگزیکٹو ممبران جناب انور علی پاکستان ایمپلائیمنٹ فورم ، جناب اسماعیل حسین (پاراچنار) ،جناب معظم علی شگری( شگر بلتستان) ،جناب امان اللہ جان(اورکزئی ایجنسی) ،جناب ظہیر عباس (علاقہ بنگش کی پی کے) کا تعارف کروایا گیا۔

مجلس وحدت مسلمین کویت اس تقریب میں شرکت پر میڈیاکارکنان میں نوائے وقت اور دنیا نیوز کے بیوروچیف جناب حاجی شکور اور شریف حدیثوی جناح کا پاکستان کے بیوروچیف امتیازحسین قریشی، پاک میڈیا کے برادر خالد نور صاحب اور پاک میڈیا کے بیوروچیف عابد ملک کے شکرگزار ہیں جنہوں نے اس تقریب کو اپنی حاضری کے ذریعے رونق بخشی مہمانان گرامی خصوصا منہاج القرآن انٹرنیشنل کے صدر جناج حاجی عبدالرشید اور انکے ساتھیوں ، صدر پاکستان عوامی سوسائٹی، جناب سیدجعفر صمدانی ایڈووکیٹ ،شاہد ڈار ودیگر احباب معروف سماجی شخصیت جناب حکیم طارق محمود صدیقی صاحب اور انجمن ارباب فکروفن کے جنرل سیکرٹری جناب بدر سیماب صاحب کے علاوہ عام لوگ پارٹی کے جناب میاں خورشیدصاحب نے بھی خصوصی شرکت کے ذریعے عزت افزائی کی۔

تمام شرکاء نے مجلس وحدت مسلمین کےقائد علامہ راجہ ناصرعباس جعفرحن کے عالمگیرانصاف کے قیام کے مشن،ظالم کی مخالفت اور مظلوم کی حمایت اور اس آخری زمانے میں حسینی والہی انبیاء کی تحریک مہدویت کے مشن پر متحد ہوکر تمام زمانے کی یزیدیت کے مقابلے میں شیطانی قوتوں کہ بیخ کنی اور زمانے کے دجالوں کے خلاف باہم تعاون کا عہدکیا، تمام شرکاء نے فرقہ واریت سے بالاتر ہوکرعالمی انصاف کے حصول کی اس تحریک کا ساتھ دینے کے عزم کا بھرپور اظہار کیا۔

آخرمیں اس دعوت کے میزبان جناب سید شہبازحسین شیرازی نے تمام مہمانان گرامی کا خصوصی شکریہ اداکیا اور قائدوحدت علامہ راجہ ناصرعباس جعفری صاحب کی صحتیابی کیلئے دعاکروائی۔

وحدت نیوز (کوئٹہ) حلقہ پی بی 26کوئٹہ کے ضمنی انتخاب میں بہترین کارکردگی کا مظاہرہ کرنے پر مجلس وحدت مسلمین کوئٹہ ڈویژن کی جانب سے کارکنان ، عہدیداران اور معززین کے اعزازمیں عصرانے کا اہتمام کیا گیا ، تقریب سے خطاب کرتے ہوئے ایم ڈبلیوایم کے مرکزی رہنما اور سابق وزیر قانون آغا رضا نےکہاکہ با شعور سیاسی جد و جہد میں ہی آبرو مندانہ زندگی کا راز پنہاں ہے،ضمنی الیکشن پی بی 26 ہزارہ ٹاون میں دوسری اور مجموعی طور پر پورے حلقے میں تیسری پوزیشن لینا بڑی کامیابی ہے،مجلس وحدت مسلمین پاکستان وطن عزیز پاکستان میں تمام مکاتب فکر کے درمیان عملی اتحاد کی داعی دینی سیاسی جماعت ہے، ضمنی الیکشن پی بی 26 میں ایم ڈبلیو ایم پاکستان کے نامزد امیدوار سید محمد رضا (آغا رضا ) پر عوامی اعتماد اس حلقے کی سیاسی بصیرت کی دلیل اور بھر پور عوامی تائید عوامی بیداری کا ثبوت ہے،خصوصا چیف آف ہزارہ قبائل جناب محترم سردار سعادت علی خان، ہزارہ ٹاون سے ملحقہ تمام محلوں عوام الناس سیاسی شخصیات علماء کرام بزرگ اکابرین سب ٹرائب سیاسی سماجی شخصیات نوجوانوں خواتین ماوں بہنوں بیٹیوں اور مخلص کارکنوں کے مشکور ہے جنہوں نے 40 دنوں کی کم وقت میں انتھک محنت کیں اعتماد کا اظہار کیا اور اپنی سیاسی بیداری کا ثبوت دیا ،مجلس وحدت مسلمین پاکستان کے قائدین صوبائی کابینہ ڈویژنل اقر ضلعی عہدہ داروں کی طرف سے تمام ووٹرز سپورٹرز اور کارکنوں کے بے حد مشکور ہیں،جنہوں نےبھر پور تعاون اور حمایت کا اعلان کیا ۔

وحدت نیوز (لاڑکانہ) شاہ لطیف اسکاؤٹس اوپن گروپ لاڑکانہ کی جانب سے سالانہ پروگرام جشنِ لطیف کے عنوان سے سر شاہنواز بھٹو میموریل لائبریری لاڑکانہ میں سیمینار منعقد کیا گیا. جس میں وحدت اسکاؤٹس سمیت لاڑکانہ کی دیگر اسکاؤٹس تنظیموں کے عہدیداران کو مدعو کیا گیا. بہترین کارکردگی اور بے لوث خدمت پر سیکریٹری وحدت اسکاؤٹس اوپن گروپ لاڑکانہ برادر محبوب علی سومرو کو شیلڈ پیش کی گئی۔

وحدت نیوز(پرتگال) پرتگال کے شہر لزبن میں پاکستان سے آئےڈاکٹرزکےاعلیٰ سطحی وفد جس کی سربراہی پروفیسرڈاکٹرمحمد ارشد چیمہ چیئرمین ڈیپارٹمنٹ آف سرجری کے- ای میڈیکل یونیورسٹی اور پروفیسر ڈاکٹر وسیم کر رہے تھے کے اعزاز میں مجلس وحدت مسلمین یورپ پرتگال چیپٹر کی جانب سےعشائیہ دیاگیا۔اس دوران ملکی اور بین الاقوامی ایشوز کو زیر بحث لایا گیا یہ بات واضح رہے کہ پاکستان کے ڈاکٹرز کی دنیا بھر میں صلاحیتیں اور خدمات فقید المثال ہیں انہوں نے اس بات زور دیا کہ عالمی برادری کو چاہیے کہ پاکستانی ڈاکٹرز کی خدمات کے پیش نظر انہیں عالمی برادری میں نظر انداز نہ کیا جائے اس موقع پر وفد كو خصوصی طور پر مبارک باد دی گئی کہ جن کی کوششوں سےپاکستان اور یورپ کے میڈیکل شعبہ جات کو مزید قریب آنے کے مواقع فراہم ہوئے ہیں جس کی بنا پر  یورپین سوسائٹی آف سرجیکل آنکالوجی نے پاکستان کو اپنا رکن بنا لیا ہے۔ وفد کے درمیان اتفاق یہ پایا کہ سمندر پار پاکستانی ہر پلیٹ فارم میں پاکستانیوں کی خدمات کو اجاگر کریں گے تاکہ دنیا کو پاکستان کا حقیقی چہرہ دیکھایا جا سکے جو انتہاپسندی اور فرقہ واریت کے برعکس ہے۔