وحدت نیوز(گلگت) قائد حزب اختلاف گلگت بلتستان اسمبلی جناب کیپٹن (ر)محمد شفیع نے اسمبلی اجلاس کے دوران پوائنٹ آف آرڈر پر بات کرتے ہوئے ڈپٹی سیکرٹری جنرل مجلس وحدت مسلمین ناصرعباس شیرازی ایڈوکیٹ کی جبری گمشدگی پر حکومت خاص کر پنجاب حکومت اور رانا ثناء اللہ پر سخت تنقید کرتےہوئے ان کی فوری بازیابی کامطالبہ کردیا،اپنی گفتگو کے دوران انہوں نے ملت تشیع کے بیگناہ افراد کی جبری گمشدگی کو آئین اور قانون سے متصادم قرار دیا،انہوں نے مطالبہ کیا کہ اگر کوئی گناہگار ثابت ہوا ہے تو انہیں عدالت کے سامنے پیش کیا جائے اور تمام قانونی تقاضوں کو پوراکرکے سزادی جائے،ملت تشیع کا دہشت گردی سے کوئی تعلق تھا اور نہ ہے ہم نے قیام پاکستان سے لیکرآج تک استحکام پاکستان کیلئے بیش بہا قربانیاں دی ہیں،حکومت کو چاہئے کہ ملت تشیع کے ساتھ دہشت گردوں جیسا سلوک بند کرے اور ہمیں سخت احتجاج پر مجبور نہ کیا جائے۔
وحدت نیوز(لاڑکانہ) وحدت اسکائوٹس اوپن گروپ لاڑکانہ کی جانب سے، مسجد حضرت ابو طالب علیہ السلام میں ڈسٹرکٹ اسمبلی اجلاس منعقد کیا گیا، جس میں وحدت اسکائوٹس اوپن گروپ صوبہ سندھ کے سکریٹری برادر آصف علی ، سنده بلوچستان کے کوآرڈینیٹر برادر سلامت علی انقلابی نے شرکت کی،اجلاس میں سالانہ پروگرام پر عمل کرنے کی تاکید کی گئی،اجلاس کی صدارت سکریٹری جنرل مجلس وحدت مسلمین ڈسٹرکٹ لاڑکانہ ،طارق حسین بدوی صاحب نے کی، ان کے علاوه سیکریٹری میڈیا سیل طارق رسول اور سیکریٹری سیاسیات مشتاق علی بھی پروگرام میں شریک تھے،اجلاس کا اختتام دعا امام زمانہ (ع) سے ہوا.اس سے قبل وحدت اسکائوٹس اوپن گروپ لاڑکانہ کی جانب سے، سنده بوائے اسکائوٹس ایسوسی ایشن ڈسٹرکٹ لاڑکانہ کے سکریٹری نظام الدین شیخ صاحب سے وحدت اسکائوٹس کے صوبائی سیکریٹری برادر آصف علی ،سنده بلوچستان کے کوآرڈینیٹر برادر سلامت علی انقلابی نے ملاقات کی اور ،وحدت اسکائوٹس اوپن گروپ لاڑکانہ رجسٹریشن کے حوالے سے گفتگو کی ،اور بوائے اسکائوٹس ایسوسی ایشن ڈسٹرکٹ لاڑکانہ کی طرف سے ڈپٹی سیکرٹری وحدت اسکائوٹس اوپن گروپ لاڑکانہ ، برادر محبوب علی کو پرمیشن لیٹر دیا گیا۔
