وحدت نیوز (ڈیرہ غازیخان)  مجلس وحدت مسلمین پاکستان کے سیکرٹری جنرل علامہ راجہ ناصر عباس جعفری جنوبی پنجاب کے دورہ پر ڈیرہ غازیخان پہنچ گئے، ڈیرہ غازیخان پہنچنے پر ایم ڈبلیو ایم کے کارکنان نے اُن کا استقبال کیا، علامہ ناصر عباس جعفری نے بستی برمانی میں امام بارگاہ کا دورہ کیا اور عوامی اجتماع سےخطاب بھی کیا، اس موقع پر مجلس وحدت مسلمین کے مرکزی سیکرٹری تربیت ڈاکٹر یونس حیدری، معاون سیکرٹری سیاسیات سید محسن شہریار، صوبائی سیکرٹری جنرل علامہ اقتدار حسین نقوی، مولانا ہادی حسین ہادی، سید انعام حیدر زیدی اور دیگر رہنما موجود تھے۔

علامہ ناصر عباس جعفری نے اپنے خطاب میں کہا کہ عزاداریسیدالشہداء ہمارا آئینی و قانونی حق ہے کسی صورت میں اس سے دستبردار نہیں ہوں گے، یہ کیسی اسلامی ریاست ہے جہاں میوزک کنسرٹ کی اجازت لینے کی ضرورت نہیں لیکن نواسہ رسول (ص) کے ذکر کے لیے ہزاروں مشکلات موجود ہیں، حکومت اس ریاست کو غیراسلامی ثابت کرنے پر تلی ہے، ایک میچ کے لیے اربوں روپےخرچ کیے جاسکتے ہیں تو عزاداری سیدالشہداء کے لیے کیوں نہیں؟، اُنہوں نے مزید کہا کہ جنوبی پنجاب میں عزاداروں کے خلاف بے بنیاد مقدمات قائم کیے گئے ہیں جنہیں فی الفور ختم کرنے کا مطالبہ کرتا ہوں، حکمرانوں کی نواسہ رسول (ص) سے دشمنی عیاں ہے، ایک مخصوص نظریے کو تقویت دینے کے لیے ہمیں تختہمشق بنایا جا رہا ہے۔ حکومت ہوش کے ناخن لے اور عزاداری کے خلاف سازشیں بند کرے ورنہ عذاب الہی کے مستحق ہوں گے۔ واضح رہے کہ علامہ راجہ ناصر عباس جعفری 10 روزہ دورے پر جنوبی پنجاب میں موجود ہیں، اس سے قبل اُنہوں نے میانوالی، بھکر اور لیہ کا دورہ کیا، علامہ ناصر عباس جعفری کل رحیم یارخان پہنچیں گے، جہاں دو دن مختلف تقریبات میں شرکت کریں گے۔

وحدت نیوز(میانوالی) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے اپنے 10روزہ دورہ جنوبی پنجاب کا میانوالی سے آغاز کردیاہے، بستی شاہ گل محمد پہنچنے پرضلع میانوالی کےعہدیداران اور کارکنان سمیت عوام نے ان کا شاندار استقبال کیا، اس موقع پر مرکزی سیکرٹری شعبہ تربیت ڈاکٹر یونس اورمرکزی ڈپٹی سیکریٹری سیاسیات سید محسن شہریار ایم ڈبلیوایم صوبہ جنوبی پنجاب کے سیکریٹری جنرل علامہ سید اقتدارحسین نقوی ،صوبائی رہنما مولانا ہادی حسین ہادی، کیپٹن(ر) رفیع اللہ اور دیگر رہنما بھی موجود تھے۔

علامہ راجہ ناصرعباس جعفری اپنے 10روزہ دورہ جنوبی پنجاب میں میانوالی کے بعد بھکر، لیہ،ڈیرہ غازیخان،مظفرگڑھ،راجن پور،علی پور،بہاولپور،رحیم یارخان،ملتان،لودھراں اور جلالپور کا دورہ کریں گے، جہاں عوامی اجتماعات، بار کونسل کے اراکین ، سیاسی ومذہبی جماعتوں کے قائدین سے ملاقاتیں اور خطابات متوقع ہیں، اس کے ساتھ تنظیمی اجلاسوں میں آئندہ قومی انتخابات میں ایم ڈبلیوایم کی شمولیت اور علاقائی ترجیحات کا بھی جائزہ لیں گے تاکہ انتخابی اتحاد یا سیٹ ایڈجسٹمنٹ کے حوالے سے حکمت عملی ترتیب دی جاسکے۔

وحدت نیوز (بھوانہ) مجلس وحدت مسلمین پاکستان کے مرکزی ڈپٹی سیکریٹری جنرل سید ناصرعباس شیرازی نے تحصیل پریس کلب رجسٹرڈ بھوآنہ  ضلع چنیوٹ کی تقریب حلف برداری 2018 میں بحیثیت مہمان خصوصی شرکت کی ، اس موقع پر تحصیل بھوانہ کی ضلعی انتظامیہ،سیاسی ،سماجی اور مذہبی شخصیات ،عمائدین،انجمن تاجران،وکلاء اور ہر شعبہ ہائے زندگی سے تعلق رکھنے والے افراد نے بھرپور شرکت کی ۔

برادر ناصر عباس شیرازی نے آزاد اور حقیقی صحافت کو ظالم حکمرانوں کے خلاف کلمہ حق سے تعبیر کیا ،ان کا کہنا تھا کہ قرآنی حکم کے مطابق خبرکی تحقیق ضروری ہے ،آج شام ،عراق یمن اور فلسطین سمیت اکثر ایشوز کو پاکستان میں غلط طریقے سے پیش کیا جارہا ہے جو زرد صحافت کی نشانی ہے ۔انہوں نے عظیم الشان

پروگرام منعقد کروانے پر نو منتخب صدر اور روح رواں بھوانہ پریس کلب جناب مخدوم زیدی،ان کی کابینہ اور ٹیم کو مبارکباد پیش کی ۔انہوں نے دیانتدارانہ صحافت کی ایک علامت بننے پر جناب مخدوم زیدی کو خراج تحسین پیش کیا ، تقریب کے آخر میں چیئرمین ضلع کونسل  ثقلین سجنکا اور پیر زاکر حسین نے ناصرشیرازی کو

اعزازی شیلڈ پیش کی جبکہ ناصر عباس شیرازی  نے مختلف شعبہ ہائے زندگی بالخصوص صحافت میں نمایاں خدمات انجام دینے والی شخصیات کو اپنے ہاتھوں سے شیلڈزپیش کیں ، قبل ازیں جب برادر ناصرعباس شیرازی مجلس وحدت مسلمین  کے ضلعی سیکرٹری جنرل انیس عباس زیدی  اور ان کی کابینہ کے ہمراہ پنڈال میں داخل

ہوئے تو ان پر پھولوں کی پتیاں نچھاور کی گئیں ،ہار پہنائے گئے اور شاندار استقبال کیا گیا ۔

وحدت نیوز (سکردو) انجمن تاجران اسکردو کا وفد اسلام آباد میں وفاقی حکومت سے کامیاب مذاکرات اور غیر قانونی ٹیکس کی معطلی کےبعد اسکردو پہنچنے پر انکا پرتپاک استقبال کیا گیا۔ انجمن تاجران کے استقبال کے لیے سینکڑوں گاڑیوں اور موٹر سائیکلوں پر مشتمل ہزاروں افراد کا سمندر امڈ آیا۔ ریلی میں صوبائی حکومت کے خلاف اور انجمن تاجران و عوامی ایکشن کمیٹی کے حق میں نعرے لگائے گئے۔ ریلی شہر کے مختلف راستوں سے ہوتی ہوئی یادگار شہداء اسکردو پہنچ کر ایک عظیم الشان عوامی جلسے کی شکل اختیار کرگئی۔ استقبالی ریلی اور جلسے میں تمام سیاسی و مذہبی جماعتوں تاجر تنظیموں کے علاوہ بلتستان ڈویژن کے چاروں اضلاع کے مختلف علاقوں سے آئے ہوئے رہنماوں اور عوام کی بڑی تعداد شریک ہوئی۔ یادگار چوک پر عوامی اجتماع سے خطاب کرتے ہوئے مجلس وحدت مسلمین گلگت بلتستان کے سیکریٹری جنرل اور عوامی ایکشن کمیٹی بلتستان کے چیئرمین آغا علی رضوی نے کہا ہے کہ عوام نے ووٹ دیکر نمائندوں کو وفاق سے اپنے حقوق کے تحفظ کے لئے منتخب کیا تھا نہ کی حقوق غصب کرنے کے لئے ایوانوں میں بھیجا ہے۔ ٹیکس نفاذ کے خلاف آواز اٹھانا جی بی کونسل اور صوبائی اسمبلی کے ممبران کا کام تھا۔ ان کی بجائے یہ کام عوام نے کیا ہے۔ ہونا تو یہ چاہیے تھا کہ ہمارے منتخب نمائندے عوام کے جائز حقوق کا تحفط کرتے اور ٹیکس کے خلاف آواز اٹھاتے۔ لیکن الٹا ٹیکس کے نفاذ کی حمایت کی۔ میں نمائندوں سے کہنا چاہتا ہوں کہ ٹیکس ایکٹ 2012ء ٹیکس ایڈپشن ایکٹ کی معطلی کے بعد 2018ء میں نئے ایکٹ لانے کی باتیں کی جا رہی ہیں، کونسل اور اسمبلی ممبران کے پاس موقع ہے کہ وہ اب بھی اپنے فرائض ادا کرتے ہوئے عوامی حقوق کے دفاع کے لئے سامنے آئیں اور جی بی میں کسی بھی قسم کے ٹیکس کو لگنے نہ دیں۔ انہوں نے کہا کہ ٹیکس کے خلاف آواز اٹھانے والے قائدین اور جوانوں کو شیڈول فور اور نیشنل ایکشن پلان کے تحت کاروائی کرنے کی دھمکیاں دی جا رہی ہیں۔ حکمران اور اعلٰی انتظامی سربراہان کان کھول کر سن لیں، اپنے حق کے لئے آواز اٹھانے والے کسی بھی رہنماء یا جوان کے خلاف کارروائی کرنے کی کوشش کی گئی تو گلگت بلتستان کے بیس لاکھ عوام خاموش نہیں رہیں گے۔

اس موقع پر انجمن تاجران اسکردو کے صدر غلام حسین اطہر نے جلسے سے خطاب کرتے ہوئے کہا ہے کہ حکمرانوں گلگت بلتستان میں ٹیکس نفاذ کی کوشش تو دور کی بات سوچنا بھی نہیں، ورنہ یہ حالات نہیں رہیں گے۔ اگر جی بی میں دوبارہ سے کسی بھی شکل میں ٹیکس لگانے کی کوشش کی گئی تو تمام 10 اضلاع کے ہر چوک چوراہے اور سڑک میں ایسے دھرنے دیں گے، نہ کسی کی گاڑی چلے گی اور نہ کوئی بھی شخص حرکت کر سکے گا۔ ہم نے واضح طور پر حکمرانوں کو بتا دیا ہے کہ گلگت بلتستان میں کسی بھی شکل میں ٹیکس کا نفاذ قابل قبول نہیں۔ انہوں نے کہا کہ گلگت بلتستان کے عوام پاکستان سے والہانہ محبت کرتے ہیں، ہم پاکستان کے عاشق ہیں، پاکستان ہم سے محبت کرے یا نہ کرے۔ ہم پاکستان سے محبت کرتے رہیں گے۔ بیوروکریسی کی خواہش تھی کہ انجمن تاجران اور عوامی ایکشن کمیٹی کے نمائندوں کو تین ماہ تک جی بھی ہاوس میں بغیر کرائے کے رکھا جائے، لیکن ہم نے ان کی امیدوں پانی پھیر دیا۔ جی بی کونسل اور اسمبلی ممبران کی طرح عوام کو دھوکہ دیتے ہوئے عیاشیاں کرنا ہم نہیں چاہتے۔ ان ممبران کونسل اور اسمبلی کو شرم آنی چاہیے جو ہم سے پوچھتے تھے کہ آپ کا مسئلہ کہاں پہنچا ہے۔ انہوں نے کہا کہ جن وزراء اور منتخب نمائندوں نے اس اہم عوامی ایشو کو حل کرنے کے لئے ہمارا ساتھ دیا اور بھرپور جدوجہد کی، ان کی کوششوں کو نہ سراہنا بھی زیادتی ہوگی۔

وحدت نیوز(ملتان) مجلس وحدت مسلمین پاکستان کے مرکزی ڈپٹی سیکرٹری جنرل سید ناصر عباس شیرازی اپنی بازیابی کے بعد پہلی بار جنوبی پنجاب کے دورے پر 16دسمبر کو ملتان پہنچیں گے، ملتان سے جاری بیان کے مطابق سید ناصر عباس شیرازی کا ملتان پہنچنے پر استقبال کیا جائے گا، بعدازاں مرکزی ڈپٹی سیکرٹری جنرل کے اعزاز میں استقبالیہ دیا جائے گا، جس میں ایم ڈبلیو ایم جنوبی پنجاب کے تمام اضلاع کے سیکرٹری جنرل، ضلعی کابینہ، علمائے کرام، تنظیمی اور موثر شخصیات شرکت کریں گے، اس حوالے سے مختلف اضلاع اور شخصیات کو دعوت نامے جاری کر دیے گئے، واضح رہے کہ سید ناصر عباس شیرازی کی بازیابی کے بعد مختلف شہروں میں اُن کا استقبال کیا جا رہا ہے اور بازیابی کے بعد جنوبی پنجاب کا یہ پہلا دورہ کریں گے۔

وحدت نیوز(کوئٹہ) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری آج تین روزہ دورے پر صوبہ بلوچستان کے دارالحکومت کوئٹہ ائیر پورٹ پہنچے۔ کوئٹہ پہنچنے پر انکا استقبال ایم ڈبلیو ایم کے رکن بلوچستان اسمبلی سید محمد رضا اور امام جمعہ کوئٹہ علامہ سید ہاشم موسوی سمیت دیگر افراد نے کیا۔ یاد رہے ایم ڈبلیو ایم کے مرکزی سیکرٹری جنرل علامہ راجہ ناصر عباس جعفری تین روزہ دورے پر کوئٹہ آئے ہے۔ اپنے دورے کے دوران وہ خصوصی طور پر "عالمی حالات کے تناظر میں پاکستان اور ملت تشیع میں علماء کا کردار" کے عنوان سے منعقدہ سیمینار سے خطاب کریں گے۔ اسکے علاوہ کوئٹہ شہر کے علماء، سیاسی اکابرین اور قبائلی عمائدین سے بھی ملاقاتیں کرینگے۔

Page 1 of 4

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree