وحدت نیوز (لاہور) ڈاکٹر طاہر القادری کے زیر انتظام منہاج ویلفیئرفاؤنڈیشن کے زیر اہتمام اجتماعی شادیوں کی تقریب میں قائد وحدت علامہ راجہ ناصر عباس جعفری کی شرکت و خطاب ،ایم ڈبلیوایم گلگت بلتستان کےسیکریٹری جنرل علامہ آغا سید علی رضوی ،سیکریٹری امور سیاسیات پنجاب حسن رضا کاظمی اور لاہور کےسیکریٹری جنرل علامہ سید حسن رضا ہمدانی بھی ان کےہمراہ تھے،منہاج سیکریٹریٹ آمد پرتحریک منہاج القرآن کے مرکزی رہنما فرزند ڈاکٹر طاہرالقادری صاحبزادہ حسین محی الدین قادری نے کارکنان کےہمراہ علامہ راجہ ناصرعباس جعفری کاپرتپاک استقبال کیا،اس تقریب میں شیخ رشید احمد سمیت دیگر سیاسی و مذہبی رہنما شریک تھے۔

وحدت نیوز(مری) بھمبروٹ سيداں مرى ميں مجلس وحدت مسلمین  شعبہ خواتين کے زير اہتمام 11 جوڑوں کى اجتماعى شادى کى تقريب منعقد ہوئی۔شادى کے بندھن ميں بندھنے والے11 جوڑوں ميں سے 8 اہل تشيع سادات اور 3  اہل سنت جوڑے شامل ہيں ۔. تقريب کے مہمانان خصوصى ڈپٹى سيکرٹرى جنرل ايم ڈبليو ايم پاکستان ناصر عباس شيرازى ، سيکرٹرى جنرل ضلع راولپنڈى علامہ على اکبر کاظمى اور شعبہ خواتين کى مرکزى سيکرٹرى تربيت خانم سيدہ نرگس سجاد جعفرى تھيں۔شادى کى تقريب کے تمام انتظامات ايم ڈبليو ايم کے شعبہ ویلفیئرخير العمل فائونڈیشن  نے کيے تھے۔

ڈپٹى سيکرٹرى ايم ڈبليو ايم پاکستان ناصر عباس شيرازى اور علامہ سيد على اکبر کاظمى نے نقدى اور تحائف نو بياہتا جوڑوں ميں تقسيم کيے اور جہيز بھى ديا گيا۔ تقريب سے خطاب ميں برادر ناصر عباس شيرازى نے نوبياتا جوڑوں کو مبارکباد پيش کى، انھوں نے سيکرٹرى جنرل علامہ راجہ ناصر عباس جعفرى کى جانب سے نيک خواہشات کا پيغام بھى پہنچايا اور منتظمين کى کاوش کو سراہا ،ان کا کہنا تھا کہ مجلس وحدت مسلمین رنگ نسل فرقہ يا مذہب کى تميز کيے بغير انسانى خدمت پر يقين رکھتى ہے۔

تقريب سے خطاب ميں اہل سنت عالم دين مولانا ابرار قادرى نے مجلس وحدت  مسلمین کى جانب سے اتحاد امت کےليے کى جانے والى کاوشوں کو خراج عقيدت پيش کيا۔انھوں نے کہا کہ مجلس وحدت نے شيعہ سنى مسلمانوں کو قريب لا کر تکفيرى سوچ رکھنے والے عناصر کو ان کے مزموم مقاصد ميں ناکام کرديا۔تقريب ميں اہليان علاقہ کى بڑى تعداد نے شرکت کى اور مجلس وحدت کے اس اقدام پر بھرپور خوشى کا اظہار کيااور متظمين بالخصوص دختر ڈاکٹر محمد على نقوى شھيد خانم زہرا نقوى کو خراج تحسين پيش کيا۔ تقريب ميں ضلع راولپنڈى کے سيکرٹر ى روابط اظہر کاظمى سيکرٹرى فلاح و بہبود ناصر عباس  شیعہ ايکشن کميٹى و انجمن جانثاران اہليبيت کے راہنما زاہد حسين جعفرى ،سا دات کوہسار ويلفئير ايسوسى ايشن کے بانى راہنما امداد حسين نقوى ،خطيب جامع مسجد بھمبروٹ سيداں مولانا ضيغم عباس جعفرى ،خطيب مسجد حسينى سنگسيرى مولانامنير بلوچ سماجى و مذہبى راہنما ٹيچر سيد ثاقب حسين جعفرى نے بھى شرکت کی۔

وحدت نیوز(علی پور) مجلس وحدت مسلمین ضلع علی پور پنجاب کے فلاحی شعبے  خیر العمل فاونڈیشن  کی جانب سے سیدہ کو نین حضرت فاطمہ زہرا (س) کی ولادت باسعادت کے بابرکت موقع پر مدینہ گارڈن میں 2010 تا2014کے سیلاب متاثرہ 10جوڑوں کی اجتماعی شادی کی پروقار تقریب کا اہتمام کیا گیا ، تقریب میں مجلس وحدت مسلمین کہ مرکزی سیکریٹری امورتبلیغات علامہ شیخ  اعجاز بہشتی ، مرکزی چیئرمین وحدت یوتھ پاکستان ، صدر بار ایسوسی ایشن علی پور،ایڈووکیٹ ہائیکورٹ سید فضل عباس نقوی ، سیکریٹری جنرل ایم ڈبلیوایم پنجاب  علامہ عبد الخالق اسدی مولانا قلب عباس،ضلعی سیکریٹری جنرل اعجاز حسین زیدی ،محمد حسن زیدی،رضوان کاظمی، ایس ایچ او سٹی تھانہ علی پورلیاقت علی سمیت علاقے کہ معززین اور شخصیات نے بھی بڑی تعداد میں شرکت تھی، ایم ڈبلیوایم کی جانب سے تمام نوبیہاتہ جوڑوں میں قرآن مجید کے نسخے اور جہیز بھی تقسیم کیا گیا ، جب کے دولہادلہن کے معززمہمانان گرامی کی خدمت میں ظہرانے کا بھی اہتمام کیا گیا تھا۔

اس موقع پر خطاب کرتے ہوئے علامہ عبد الخالق اسدی نے کہا کہ مجلس وحدت مسلمین خد اکے فضل وکرم سے سیاسی وفلاحی دونوں میدانوں میں عوام کی خدمت میں شب وروز مصروف عمل ہے، دن بدن پھیلتے فلاحی منصوبے عوام کے ایم ڈبلیوایم پر بھر پور اعتماد کا اظہار ہیں، انہوں نے کہا کہ ایم ڈبلیوایم کا فلاحی شعبہ خیر العمل فائونڈیشن ملک کے طول وعرض میں بلاتفریق انسانیت کی خدمت میں کوشاں ہےجس کے تحت اب تک سینکڑوں مساجد، امام بارگاہ، ڈسپنسریز، اسکول، ووکیشنل سینٹرز، منصوبہ فراہمی آب پایہ تکمیل کو پہنچ چکے ہیں ، علامہ اعجاز بہشتی اور فضل عباس نقوی نے نوبیہاتہ جوڑوں کو ولادت جناب فاطمتہ الزہرا س کے پر مسرت موقع پر رشتہ ازدواج میں منسلک ہونے پر مبارک باد پیش کی اور تمام دولہا اور دلہن کو سیرت جناب امیر المومنین ؑ اور سیدہ کونین س کی عملی اتباءکی تلقین کی۔

وحدت نیوز (کوئٹہ) مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری دو روزہ دورے پر کوئٹہ تشریف لائے انھوں نے مجلس وحد ت مسلمین کوئٹہ ڈویژن اور اجتماعی شادی کمیٹی کے زیر اہتمام آٹھویں اجتماعی شادی میں بطور مہمان خصوصی شریک ہوئے۔ اس پروقار تقریب جس میں21 اہل تشیع اور اہل سنت جوڑوں کی اجتماعی شادیوں کا یزدان خان ماڈل ہائی سکول کے سبزہ زار پر اہتمام کیا گیا ۔

اس موقع پر علامہ راجہ ناصر عباس جعفری نے خطاب کرتے ہوئے کہا کہ مجلس وحدت مسلمین بلا تفریق رنگ و نسل عوام کی خدمت پر یقین رکھتی ہے ہم نے ہمیشہ اصولوں کی سیاست کی ۔ ہمیں عوام کے مفادات عزیز ہیں نفرت کی سیاست پر یقین نہیں رکھتے ۔ جس کا عملی ثبوت آج کی یہ پر وقار شادی کی تقریب ہے جس میں تمام برادر اقوام سے تعلق رکھنے والے جوڑے شامل ہیں۔ اسلام ہمیں سادگی کا درس دیتا ہے اس کو اپناتے ہوئے ہمیں غلط رسومات کی حوصلہ شکنی کرنا ہوگی تا کہ لوگ بآسانی اپنی رسومات کو ادا کر سکیں ۔ ہم مستقبل میں بھی اتحاد بین المسلمین کا عملی مظاہرہ کرتے ہوئے اسی قسم کی تقریبات کا اہتمام کرے گی۔ انھوں نے مزید کہا کہ اس قسم کے تقریبات کے انعقاد سے شہر میں برادر اقوام کے درمیان بھائی چارہ گی کی فضاء قائم ہوگی اور ان عناصر کی حوصلہ شکنی ہوگی جو اپنے مذموم مقاصد کے حصول کے لئے برادر اقوام میں نفرت پھیلانے کی کوشش کررہے ہیں۔اس پروقار تقریب میں علامہ ہاشم موسوی ، ممبر صوبائی اسمبلی سید محمد رضا ، اراکین اسمبلی ، کونسلران ، معززین شہر اور لوگوں کی کثیر تعداد نے شرکت کی۔

وحدت نیوز (شیخوپورہ) مجلس وحدت مسلمین کے سر براہ علامہ راجہ ناصرعباس جعفری نے کہا ہے کہ دہشت گردی کے مکمل خاتمے اور ملک میں امن کیلئے فوجی عدالتوں کو قائم رکھنا ضروری ہے ورنہ دہشت گردوں کے حوصلے بڑھیں گے '(ن) لیگ اور پیپلز پارٹی 35سالوں سے مل کر ملک کو لوٹ رہی ہیں ، دونوں جماعتوں نے عام اور غریب آدمی کو کچھ دینے کی بجائے صرف اپنا مال بنایا ہے۔ مجلس وحدت مسلمین کے سر براہ علامہ راجہ ناصرعباس جعفری نے مجلس وحدت مسلمین ضلع شیخوپورہ کے زیر اہتمام جامع مسجد امامیہ کالونی میں اجتماعی شاد ی ایک تقریب سے خطاب کرتے ہوئے کہا ہے کہ ملک کو چلانے کے لئے ہزاروں نہیں صرف دو درجن ایماندار لوگ کافی ہیں اگر ملک کو یہ ایماندار لوگ مل جائیں تو ملک کی تقدیر کو دنوں میں بدلا جا سکتا ہے مگر موجودہ حکمرانوں کو ملک اور قوم کی کوئی فکر نہیں یہ صرف اپنا اقتدار بچانے میں لگ ہوئے ہیں جسکی وجہ سے ملک میں بجلی کی لوڈشیڈ نگ سمیت دیگر مسائل میں خطر ناک میں اضافہ ہوا ہے ۔انہوں نے کہا کہ  دہشت گردی کے مکمل خاتمے اور ملک میں امن کیلئے فوجی عدالتوں کو قائم رکھنا ضروری ہے ورنہ دہشت گردوں کے حوصلے بڑھیں گے۔ شادی کی اس اجتماعی تقریب سے سید ناصر شیرازی ،علامہ قیصر عباس چیئر مین شیئر پاکستان،سید مسرت کاظمی ،سید اسد عباس نقوی  اور دیگر مہمانان گرامی نے بھی خطاب کیا۔آخر میں علامہ راجہ ناصر عباس جعفری نے 15جوڑوں کا نکاح پڑھایا۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان کے مطا بق روز ولادت حضر ت بی بی فا طمتہ الزھراہ سلام اللہ علیہا کی مناسبت سے اجتماعی شا دیوں کا انعقاد کیا گیا جس میں سولہ جو ڑے رشتہ ازدواج میں منسلک ہوئے جن میں سات جوڑے اہل سنت برادران کے بھی شامل تھے،تقریب میں مہمان خصوصی میئرکوئٹہ ڈاکٹر کلیم اللہ کاکڑ، ڈپٹی میئرکوئٹہ یونس بلوچ، رکن بلوچستان اسمبلی آغا محمد رضاتھے جبکہ خطیب سفیر مسجدقاری عبدالرحمن ،ڈی آئی جی فقیر حسین، میجر نادرعلی، صدرشیعہ کانفرنس سید داؤد آغا سمیت دیگر معززین نے شرکت کی۔

 

تقریب سے خطاب کرتے ہوئے ایم ڈبلیوایم کے رکن شوریٰ عالی علامہ ہاشم موسوی نے کہاکہ الحمد اللہ چھ کامیاب اجتماعی شادیوں کے بعد آج رات ساتویں اجتماعی شادیاں کرنے کی توفیق اللہ نے بخشی۔ معاشرے میں فضول رسم رواج کو ختم کرنا چاہیے ۔ لوگ شادیوں پر کثیر رقم خرچ کرتے ہیں۔ جو کہ جائز نہیں۔ تقریب شادی کو آسان بنانا چاہیے تا کہ معاشرے سے بے راہ روی ختم ہو سکےاور ہماری تنظیم عملی کوششیں کر رہی ہے ،معاشرے میں موجود خا میوں اور خرابیوں کے با رے میں تو ہر فر د اظہار خیا ل کر تا ہے اور با توں اورنعروں کی عمارتیں کھڑی کرتاہے لیکن جب با ت عمل کی آتی ہے تو حقیقت یہ ہے کہ بہت کم لو گ معا شرے کی بہتر ی اور ترقی کیلئے کردار ادا کرے کیلئے آمادہ نظر آتے ہیں کیونکہ اندھیر وں کو کھونسنا آسان ہے لیکن عملی طور پر کچھ کر کے دکھانے کیلئے پختہ عزم کی ضر ورت ہوتی ہے۔

 

اسی مقصد کو مد نظر رکھتے ہوئے اجتماعی شادی کمیٹی اور مجلس وحدت مسلمین نے ایک کاوش کا آغا ز کیا جسمیں معا شرے میں موجود غیر ضر وری رسم و رواج کی حوصلہ شکنی کرنا اور ایسے آسان اور سادہ رسومات کا فر وغ ہے جس میں ہر متوسط طبقے کیلئے اپنے گھر کو آباد کرنے اور رشتہ ازدواج میں منسلک ہونے کا پورا پورا حق ہو اس مقصد کیلئے اجتماعی شا دی کمیٹی جوکہ مجلس وحدت مسلمین کا ایک ذیلی ادا رہ ہے نے چندسا ل پہلے اس پر کام کاآغاز کیا جس میں ہر طبقے کے لوگو ں کو اس با ت پر آما دہ کرنا ہے کہ بجا ئے اس کے کہ لا کھوں روپے غیر ضر وری رسومات کی نظر کی جائے اُن پیسوں کو معاشرے کی تر قی اور خوش حالی کیلئے استعمال میں لایا جائے ۔

 

ہمارے معاشرے کی موجودہ صورتحال نا گفتہ بہ ہے۔ ہماری خوشیوں اور غموں کے پیمانے اور معیارات بدل گئے ہیں۔ حادثات ، سانحات ، مصائب اور آفات کی کثرت اور اسکی اذیت سے بچنے اور خود کو بچانے کا سب سے آسان راستہ ہم نے ڈھونڈ لیا ہے۔ کہ بڑے سے بڑے حادثے اور سانحے کے اثرات کو اپنے اند ر اُترنے نہ دو۔ اپنی اصلاح ، اپنے اعمال اور معاملات کا جائزہ لے کر خود کو درست کرنا ایک دشوار کام ہے۔لہذا ہم اپنے معاشرے کی بربادی کے صرف نوحہ خواں بن کر رہ گئے ہیں۔ ہر محفل ، دفتر، ہر گھر اور ہر ادارے میں ہم اپنی اخلاقی ، معاشرتی ، معاشی و سیاسی صورتحال کی ابتری پر نہایت دل سوزی سے ماتم کناں ہوتے ہیں۔ لیکن اس کے اسباب پر غور نہیں کرتے ہیں۔ جو اخلاقی اوصاف ہمارے عمل میں دکھائی دینے چاہیں وہ ہماری گفتگو کا حصہ بن کر رہ گئے ہیں۔ ان حالات میں ہمیں اپنے نقطہ نظر کو تعمیری اور مثبت بنانا ہوگا۔حالات اور واقعات کی بابت مایوسی ، افسردگی ، حزن و ملال کا رویہ اپنانے کی بجائے مثبت اور تعمیری رویہ اپنانا چاہیے ۔مجلس وحدت مسلمین بلا رنگ و نسل کی طریق کے عوام کی خدمت پر یقین رکھتی ہے جس کا عملی مظا ہرہ آج کی اس اجتماعی شادی کی تقریب ہے جس میں اہل سنت اور اہل تشیع سے تعلق رکھنے والے جو ڑے مو جو د ہیں۔

 

میئر کوئٹہ ڈاکٹر کلیم اللہ نے شرکا سے خطاب کرتے ہوئے کہا کہ مجلس وحدت مسلمین کی کاوشوں کو سلام پیش کرتا ہوں کہ انہوں نے ایک گل دستہ بنایا جن میں تمام طبقے کو شامل کیا گیا ۔ میری خواہش ہے کہ اپنے دور حکومت میں کوئٹہ میں ایک بڑا شادی ہال بناوں جن میں ہر مہینے لوگ اجتماعی شادیوں میں شریک ہو سکے ۔ کیونکہ ایک سرکاری ملازم یا میڑک ، ایف اے پاس غریب بچوں کی اتنی استطاعت نہیں کہ اس مہنگائی کے دور میں اپنے گھر کو چلا سکے کجا کہ اپنے شادی کے لیے رقم جمع کرسکے۔ یقیناً معاشرے کے فضول رسم و رواج سے رقم ادھار میں لے کر اپنی شادی کرتے ہیں۔

 

ڈپٹی میئر یونس بلوچ نے شرکا سے خطاب کرتے ہوئے کہا کہ آج تک میں نے ایسا پروقار تقریب کہیں نہیں دیکھی جس میں ہر رنگ و نسل ، مذہب کے لوگ تشریف فرما ہیں،یہاں صرف شیعہ نہیں بلکہ سنی بھی اجتماعی شادیوں میں شرکت کر رہے ہیں جو کہ ایک خوش آئند بات ہے، بلوچستان کے خطہ اسی امن ومحبت ، بھائی چارگی اور اخوات کا متلاشی ہے، اس پر وقار تقریب کے انعقادپر مجلس وحدت مسلمین کے قائدین اورکارکنان کو مبارک باد پیش کرتاہوں ۔

 

شرکا سے خطاب کرتے ہوئے خطیب سفیر مسجد قاری عبدالرحمن نے کہا کہ کوئی شک نہیں کہ جس طرح مجلس وحدت مسلمین، اتحاد بین المسلمین کا مظاہرہ کررہی ہے، یہاں نہ صرف اہل تشیع بلکہ اہل سنت برادران کے بھی جوڑے بیٹھے ہیں۔ جو اپنی مثال آپ ہے۔تقریب کے آخر میں ممبر بلوچستان اسمبلی آغا رضا نے تمام آنے والے مہمانوں کاشکریہ ادا کیا ، ان کا کہنا تھا کہ معزز مہمانان گرامی کی آمدسے اس پروقار تقریبکی رونق میں مزید اضافہ ہوا، انہوں نے آئندہ بجٹ میں  اپنی فنڈز سے دس لاکھ روپے آٹھویں اجتماعی شادی کی تقریب کے انعقاد کے لیے اعلان کیا۔

Page 1 of 2

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree