وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں ڈویژنل سیکریٹری جنرل سید عباس علی نے کہاہے کہ قومی ایکشن پلان کو صرف شمالی وزیر ستان تک محدود نہ کیا جائے بلکہ پورے ملک بشمول بلوچستان میں جو چھوٹے چھوٹے وزیر ستان بنے ہوئے ہیں ان سب علاقوں میں بھر پور آپریشن کیا جائے۔ بلوچستان حکومت تا حال دہشتگردی کے واقعات میں ملوث دہشت گردوں کے خلاف کوئی موثر کاروائی نہیں کر سکی ہے۔حکومتی اقدامات صرف میڈیا میں بیانات کی حد تک محدود ہیں۔ دہشت گرد آزاد اور دندناتے پھر رہے ہیں جس کا ثبوت گزشتہ روز سیٹلائٹ ٹاون واقعے میں بے گناہ ہزارہ مومنین کا بے دردی سے شہید کرنا ، ان کے خلاف اقدامات نہ کرنا سمجھ سے بالاتر ہے۔ حکومت کی غلط پالیسیوں کے باعث دہشت گردوں کا نیٹ ورک مضبوط اور فعال ہوا ہے۔ حکومت سیاسی و مذہبی جماعتوں میں گڈ اور بیڈ طالبان کی تعریف پر اتفاق نہیں ہو پایا۔ بد قسمتی سے ہمارے حکمران آج بھی دہشت گردی کے اقسام میں الجھے ہوئے ہیں۔ اور ان کے لیے اب بھی ڈھکی چھپی ہمدردری پائی جاتی ہے۔اس لیے دہشت گردی سے نجات ملک کے لیے ناگزیر ہے۔ جنگ جیتنا ہے تو اچھے بُرے کی تمیز ختم ، جانبداری سے اجتناب کرکے ہر قسم کی دہشت گردی کا سر سختی سے کچلنا ہوگا۔ قومی ایکشن پلان پر موثر طریقے سے عمل درآمد کیا جائے۔ اگر قومی ایکشن پلان کے راستے میں رکاوٹ کھڑی کی گئی تو سیٹلائٹ ٹاون اور سبی دھماکے جیسے واقعات رونما ہوسکتے ہیں۔ حکومت بلوچستان دہشت گردوں کے خلاف بھر پور آپریشن کرکے دہشت گردوں کو گرفتار کرکے عبرت کا نشان بنا دے۔

وحدت نیوز (کوئٹہ) مجلس وحدت مسلمین کے رکن مرکزی شوریٰ علامہ سید ہاشم موسوی نے کہا کہ گلگت بلتستان کے انتخابات سے قبل ایک غیر جانبدارانگران حکومت قائم کی جائے تاکہ وہ صاف و شفاف انتخابات کو یقینی بنائیں لیکن اس کے بر عکس مسلم لیگ ن کی حکومت اپنی من پسند افراد کو نگران سیٹ اپ میں رکھ کر انتخابات سے قبل ہی جانبداری کا مظاہرہ کر رہی ہے، گلگت بلتستان کی عوام با شعور ہیں وہ اپنے ووٹ کے زریعے سے ن لیگ کی حکومت کے دھاندلی کے زریعے انتخابات میں کامیابی کو ناکامی میں بدل دیں گے یہاں نواز شریف کا گلگت بلتستان میں یہ پہلا دورہ نہیں بلکہ اس سے قبل بھی گلگت کا دورہ کر چکے ہیں اور بلند و بانگ دعوے کئے ہیں اور متعدد بار گلگت بلتستان کے عوام کی تقدیر بدلنے کی باتیں بھی کر چکے ہیں گلگت کے دورے کے موقع پر وزیر اعظم کے اعلان تعلق ہے تو ان کے بہت سے اعلانات تو ایسے ہیں جن پر سابقہ حکومتوں میں کام ہوا ہے اس طرح کے اعلانات نواز حکومت کی ذہنیت کی عکاس کرتا ہے جیسا کہ انہوں نے دیا مر بھاشا ڈیم کی تعمیر کا اعلان کیا ہے ، اس ڈیم پر تقریباً دس سالوں سے کام جاری ہے، عطا آباد جھیل منصوبے پر کام تکمیل کے آخری مراحل میں ہے اور اسی طرح رائے کوٹ پل پر سڑک کی تعمیر بھی مکمل ہونے والی ہے یہ سارے کام تو سابقہ حکومتوں میں ہو چکے ہیں اور نواز شریف اس کا کریڈٹ لینا چاہتا ہے، گلگت بلتستان میں چھوٹے سطح سے لی کر چیف سیکرٹری تک کا تبادلہ کیا جا رہا ہے

گلگت بلتستان میں چیف سیکرٹری نواز حکومت کی ، گورنر نواز لیگ کی۔ نگران حکومت نواز لیگ کی ہے اور حد تو یہ ہے کہ چیف الیکشن کمشنر بھی نواز لیگ کا رہنماء ہے۔ ایسے میں شفاف الیکشن کا انعقاد ممکن ہی نہیں ، انہوں نے کہا کہ مجلس وحدت مسلمین گلگت بلتستان کے محروم عوام کے حقوق کی جنگ لڑے گی اور عوامی طاقت سے انتخابات میں بھر پور حصہ لے گی اور کامیابی ہمکنار ہو گی گلگت بلتستان کی عوام باشعور ہو چکی ہے اور جانتی ہے کہ کونسی جماعت گلگت بلتستان کے امنگوں کی ترجمانی کرسکتا ہے ۔ وزیراعظم کا دورہ گلگت حقوق سے محروم عوامی امنگوں کا ترجمان بننے کی بجائے مایوسی کا سبب بنا۔

وحدت نیوز (گلگت) گلگت بلتستان کو حقوق دینے والی لیگی حکومت نے گندم کے کوٹے کو روک کر علاقے میں آٹے کا بحران پیدا کروایا ہے۔گلگت بلتستان کے لئے مختص 20 لاکھ بوری گندم کی ترسیل کو یقینی بنایا جائے،ان خیالات کا اظہار مجلس وحدت مسلمین گلگت بلتستان کے صوبائی ترجمان محمد الیاس صدیقی نے اپنے ایک بیان میں کیا ہے۔

انہوں نے کہا کہ گلگت بلتستان کیلئے مختص کوٹہ علاقے میں نہیں پہنچ رہا ہے اور گلگت بلتستان میں آٹے کا شدید بحران پیدا ہوچکا ہے۔جو حکومت علاقے کے کوٹے کا گندم پورا نہیں دے رہی ہے وہ کیا خاک گلگت بلتستان کو حقوق دیگی۔گلگت بلتستان میں وسیع و عریض رقبے پر مشتمل زمینیں حکومتوں کی عدم توجہی کے باعث بنجرپڑی ہوئی ہیں اور ان زمینوں کو نہ صرف قابل کاشت بنانے کیلئے وسائل فراہم نہیں کررہے ہیں بلکہ خالصہ سرکار کے نام پر حکومتی قبضے ہیں اور گندم ضرورت کے مطابق کاشت نہیں ہورہا ہے اور تمام تر دارومدار ڈپو کے گندم پر ہوتا ہے جس میں بھی کرپشن ہے۔ علاقے کے عوام روٹی کے بدلے مہنگے داموں چاول کھانے پر مجبور ہیں اور موجودہ حکومت لاہور میں میٹروبس سروس پر بھی سبسڈی دے رہی ہے اور گلگت بلتستان کے غریب عوام کو گندم پر سبسڈی دینے کو تیار نہیں اور موجودہ مصنوعی بحران اس لئے کیا جارہا ہے کہ لوگ تنگ آکر پنجاب سے مہنگا آٹا کھانے پر مجبور ہوجائیں۔

وحدت نیوز (گلگت)  قومی مفاد کے سامنے جزوی اختلافات کوئی حیثیت نہیں رکھتے۔ مجلس وحدت مسلمین باکردارامیدواروں کو سامنے لائے گی اور الیکشن میں ہم خیال جماعتوں سے اتحاد کو یقینی بنانے کیلئے کوششیں جاری رکھی جائینگی۔ایم ڈبلیوایم ایک حقیقت کا نام ہے اور گلگت بلتستان اسمبلی کے الیکشن میں عوامی خدمت کے جذبے سے حصہ لے رہے ہیں۔ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے اپنے ایک بیان میں کیا ہے۔

انہوں نے کہا کہ مجلس وحدت مسلمین کا حکمران جماعت نواز لیگ کے سوا باقی تمام جماعتوں سے انتخابی اتحاد خارج از امکان نہیں۔شیعہ علماء کونسل سمیت دیگرتمام جماعتوں سے انتخابی اتحاد کیلئے مسلسل رابطے میں ہیں۔انہوں نے کہا کہ مجلس وحدت مسلمین مظلوموں کی حامی جماعت ہے جو مظلوموں کو انصاف دلوانے تک چین سے نہیں بیٹھے گی۔ وفاقی حکمرانوں نے گلگت بلتستان کے عوام کا استحصال کیا ہے اور اس علاقے میں بسنے والے دو ملین عوام کو تاحال شناخت سے محروم رکھا گیا ۔وفاقی حکمرانوں نے گلگت بلتستان کے عوام کے ساتھ صرف زبانی وعدوں کے علاوہ کچھ نہیں کیا اور وزیر اعظم پاکستان کا حالیہ دورہ صرف الیکشن چرانے غرض سے تھا ۔

انہوں نے کہا کہ انتخابات سے قبل جھوٹے وعدے کرنے والی جماعتوں کا عوام خود احتساب کرینگے کیونکہ ماضی میں بھی حکمران جماعتوں نے الیکشن پر اثر انداز ہونے کی غرض سے بہت سے جھوٹے وعدے کئے تھے جو تاحال پورے نہیں ہوئے۔انہوں نے کہا کہ گلگت بلتستان کے مستقبل کا دارومدار اقتصادی راہداری پر منحصر ہے اور حکمران جماعت اس سنہرے منصوبے کو ہائی جیک کرنے کیلئے گلگت بلتستان میں چھوٹے موٹے منصوبوں کے اعلانات کے ذریعے عوامی مینڈیٹ چرانے کی ناکام کوشش کررہے ہیں۔انہوں نے کہا اگر نواز حکومت واقع گلگت بلتستان کے عوام سے مخلص ہے تو اقصادی راہداری کا ونڈو گلگت بلتستان میں قائم کرے ۔انہوں نے کہا مجلس وحدت مسلمین واحد سیاسی جماعت ہے جس کے پلیٹ فارم تمام مسالک کے سیاسی نمائندوں نے الیکشن لڑنے کیلئے فارم حاصل کئے ہیں۔

وحدت نیوز (پشاور) مجلس وحدت مسلمین خیبر پختونخوا کے سیکرٹری جنرل علامہ سید سبطین الحسینی نے پشاور میں سابق کونسلر عابد علی قزلباش کے قتل کی شدید الفاظ میں مذمت کرتے ہوئے کہا ہے کہ حکومت عوام کو تحفظ فراہم کرنے میں یکسر ناکام ہوچکی ہے، سیکورٹی خدشات کے باوجود شہید عابد علی قزلباش کو سیکورٹی فراہم نہ کرنا سمجھ سے بالاتر ہے۔ وحدت ہاوس پشاور سے جاری ایک بیان میں ان کا کہنا تھا کہ پشاور ملت تشیع کے قتل گاہ بن چکی ہے، آئے روز اہل تشیع کو منظم انداز میں ٹارگٹ کیا جارہا ہے، اس کے باوجود حکومت اور پشاور کی انتظامیہ نے کوئی نوٹس نہیں لیا، ان کا کہنا تھا کہ عابد علی قزلباش کو دہشتگردوں کی جانب سے دھمکیاں بھی دی گئی تھیں، اور ان پر اس سے قبل بھی قاتلانہ حملہ ہوا، اس کے باوجود انہیں سیکورٹی فراہم نہیں کی گئی، انہوں نے شہید عابد علی قزلباش کے قاتلوں کی فوری طور پر گرفتاری کا مطالبہ کیا ہے۔

وحدت نیوز (جھنگ) مجلس وحدت مسلمین پاکستان شعبہ تبلیغات کے مرکزی سیکریٹری جنرل علامہ اعجاز حسین بہشتی نے جھنگ میں مجلس عزاء سے خطاب کرتے ہوئے کہا سعودی عرب میں حرمین شریفین کو نہیں بلکہ حرامیوں کو خطرہ ہے ، جنہوں نے ہمیشہ اپنے مفادات کے تحفظ کے لئے اسلام اور حرمین شریفین کا نام استعمال کیا ہے، انصارللہ  یمنی عوام کی نمائندہ جماعت ہے جو یمنی عوام کے حقوق کے لئے آواز بلند کر رہی ہے اور حرمین شریفین کا آل سعود سے زیادہ احترام کرتے ہیں۔

وزیر اعظم کے حالیہ دورہ سعودی عرب پرتنقید کرتے ہوئے ان کا کہنا تھا کہ ٓال سعود جیسی ظالم حکومت کے ساتھ مزید فوجی سازوسامان اورتربیتی معاہدہ کرنا نہایت حیران کن اور افسوسناک ہے۔ حکومت اپنے مفادات اور دوستی کی خاطر پاک فوج کے ہاتھوں کو یمن کے معصوم اور بے گناہ عوام کے خون میں رنگین نہ کریں کیونکہ پاکستان کے ساتھ ہونے والے معاہدہ کا اثر براہ راست یمن کے مظلوم عوام پر ہوگا، اور ظالموں کا ساتھ دینے اور ان کی مالی ،زبانی غرض ہر لحاظ سے مدد کرنا ظالم کے ظلم میں برابر کے شریک ہیں۔

ان کا مزید کہنا تھا کہ آل سعود غاصب اور دھشت گرد حکومت ہے اور ملک حجاز میں امریکہ ، برطانیہ اور اسرائیل کے ستونوں پر بیٹھ کر حکومت کر رہے ہیں، آل سعود کی مدد کرنا درحقیقت مشرق وسطیٰ میں امریکہ اور اسرائیل کے مفادات کو تحفظ دینا ہیں۔انہوں نے  کہاکہ آل سعود کی حکومت دہشت گردوں کی مضبوط پناہ گاہ ہے جہاں سے وہ ساری دنیا خصوصا پاکستان، افغانستان،شام اورعراق میں مسلمانوں میں تفرقہ پیدا کرتے ہیں اور بے گناہ مسلمانوں کا قتل عام کرتے ہیں ،لہذٰ پاکستان سمیت دنیا بھر کے مسلمانوں کو یمن کے مسئلہ پر آنکھیں کھول کر بصیرت کے ساتھ فیصلہ کرنے کی ضرورت ہے ۔