وحدت نیوز(کراچی) مجلس وحدت مسلمین لیڈیز وونگ کے صوبائی سیکریٹری جنرل خانم زہرا نجفی نے کہا ہے کہ دہشت گردی ، ٹارگٹ کلنگ اور بم دھماکے ملک کو غیر مستحکم کر نے کی سازش ہے ، کراچی انسانی خون کا کنواں بن چکا ہے ، روزانہ ایک درجن سے زائد بے گناہ شہریوں کا قتل معمول بن چکا ہے، حکمرانوں کی بے حسی ملک کو مذید نقصان پہنچا رہی ہے جنہوں نے ملک کے کسی شہری کی جان نہیں بخشی حکمران ان سے اپنے اقتدار کی بخشش کی بھیک مانگ رہے ہیں ، ان خیالات کا اظہار انہوں نے کراچی پریس کلب پرایم ڈبلیوایم خواتین ونگ کراچی کے زیر اہتمام ٹارگٹ کلنگ اور دہشت گردی کے خلاف احتجاجی مظاہرے کے شرکاء سے خطاب کر تے ہو ئے کیا۔ اس موقع پر شہر قائد میں ٹارگٹ کلنگ کا نشانہ بنے والے افراد کے لواحقین سمیت خواتین کارکنان اور معصوم بچوں کی بڑی تعداد احتجاجی مظاہرے میں شریک تھی جنہوں نے ہاتھوں میں بینرز اور پلے کارڈز اٹھا رکھے تھے جن پر نامنظور نا منظور دہشت گردی نا منظور ، ٹارگٹ کلرز کو گرفتار کرو، امریکہ مردہ ، طالبان مردہ باد، اسرائیل نامنظور اور مذاکرات نامنظور کے نعرے درج تھے۔

خانم زہرا نجفی نے کہا کہ وطن عزیز کو کسی بیرونی نہیں بلکہ داخلی دشمن سے خطرہ ہے، طالبان اور ان کے پشت پناہ سیاسی و مذہبی جماعتیں پاکستان اور پاکستانی عوام کے لئے زہر قاتل ہیں ، ایک منظم پلاننگ کے تحت ملک کو غیر ملکی ایجنڈے پر دہشت گردوں کے سپرد کیا جا رہا ہے، مشرق وسطیٰ میں تیزی سے بدلتی صورتحال اور شام میں تکفیری دہشت گردوں کو اسلامی مقاومت کے ہاتھوں ہو نے والی تاریخی شکست کے بعد پاکستان تکفیری دہشت گردوں کے آقاؤں کا تختہ مشق بننے جا رہا ہے ، پاکستان کے نا عاقبت اندیش حکمران محض چند ڈالروں اور ریالوں کے خاطر قومی سالمیت اور استحکام کو داؤپر لگانے میں مصروف ہیں ،انہوں نے مذید کہا کہ کراچی میں جاری مسلسل ٹارگٹ کلنگ خصوصاً شیعہ مکتب فکر سے تعلق رکھنے والے پروفیشنلز کی اندہوناک قتل و غارت گری بے حس حکمرانوں ، قانون نافذ کر نے والے اداروں اور عوام کے لئے لمحہ فکریہ ہے، شدید مالی پریشانیوں ، تنگ دستیوں اور معاشی مشکلات کے بعد اعلیٰ تعلیم حاصل کرکے ڈاکٹر، انجینئر اور وکیل بننے والے افراد کو بلاجواز دن دھاڑے قتل کر دیا جانا قومی المیے کا سبب بننے گا، یہ تمام کاروائیاں ملک کو پڑھے لکھے لوگوں سے نجات دلاکر جاہل انپڑھ دہشت گردوں کو مسلط کر نے کے لئے کی جارہی ہیں ۔روزانہ کی بنیاد پر شہید ہو نے والے بے گناہ شہریوں کے معصوم بچوں ، بیواؤں ، بوڑھی ماؤں کی آہیں اور سسکیاں بے حس حکمرانوں کے قتدار کے زوال کو سبب بنیں گی۔ انہوں نے صوبائی وزیر اعلیٰ قائم علی شاہ، گورنر سندھ ڈاکٹر عشرت العباد، آئی جی پولیس، ڈی جی رینجرز اور اعلیٰ حکام کو متنبہ کیا کے اگر ٹارگٹ کلنگ کی روک تھام اور گرفتار دہشت گردوں کو فوری سزا دینے میں مذید سستی اور کاہلی کا مظاہرہ کیاتو ایم ڈبلیو ایم شہداء کے اہل خانہ کے ہمراہ سڑکوں پر سراپا احتجاج ہو گی اور پھر ہمارا احتجاج دہشت گردوں اور نا اہل حکومت کے خاتمے تک جاری رہے گا ۔

وحدت نیوز(اسلام آباد) سعودیہ اور بحرین کی پاکستانی معاملات میں براہ راست مداخلت خطے سمیت دنیا بھر کے مسلمانوں کے لیے سنگین خطرہ ہے۔ اس سے نہ صرف دنیا کے امن و سکون کو ناقابل تلافی نقصان پہنچنے کا خدشہ ہے بلکہ پاکستان کی سلامتی بھی خطرہ میں پڑ سکتی ہے۔ بحرین کے شاہ حمد بن عیسیٰ امریکی و سعودی ایجنڈے کی تکمیل کے لیے جو سودابازی کرنے آئے ہیں پاکستان اس کا کسی صورت بھی متحمل نہیں ہو سکتا۔شام کے معاملات میں پاکستان کو زبردستی فریق بنانے کی سازش کو کسی صورت کامیاب نہیں ہو نے دیا جائے گا۔آل سعود نے ہمیشہ دین کی آڑ میں امت مسلمہ کی عزت و عظمت کو پامال کیا ہے۔ ان خیالات کا اظہار مجلس وحدت مسلمین کے رہنما حجت الاسلام علامہ ضیغم عباس، علامہ علی شیر انصاری، ظہیر عباس نقوی اورامامیہ سٹوڈنٹس آرگنائزیشن کے رہنمانے اسلام آباد پریس کلب کے سامنے بحرین کے ڈکٹیٹر شاہ حمد بن عیسیٰ کی پاکستان آمد اور خفیہ فوجی معاہدے کے خلاف احتجاجی مظاہرے سے خطاب کر تے ہوئے کیا۔

انہوں نے کہا کہ پاکستان اس وقت جس نازک صورتحال سے گزر رہا ہے اس کی بنیادی وجہ بیرونی مداخلت ہے۔ یہ مسلمان نما صیہونی ایجنٹ ذاتی مفاد کی تکمیل کے لیے امت مسلمہ کے مفادات کے منافی سرگرمیوں میں مشغول ہیں اور ہر مسلم ملک کی خود مختاری کے لیے خطرے کی علامت ہیں۔پاکستان کی سا لمیت و بقا روز ازل سے ان کی آنکھ کا کانٹا بنی ہوئی ہے۔حکومت پاکستان کو خارجہ پالیسی طے کرتے وقت داخلی حالات کو مدنظر رکھتے ہوئے دانشمندانہ اور پُر بصیرت فیصلے کرنے ہوں گے۔ چند ڈالروں کے عوض ملکی سلامتی کو گروی رکھ دینا سراسر ناانصافی اور ارض پاک کے ساتھ غداری ہے۔پاکستانی قوم کسی بھی ایسے فیصلے کو قطعی تسلیم نہیں کرے گی جس سے ہماری خودمختاری پر آنچ آتی ہو یا دہشت گردی کو فروغ ملتا ہو۔ انہوں نے کہا دہشت پسندوں نے ملک و قوم کاسکون تباہ کر رکھا ہے۔انہیں مراعات دینا کہاں کی منصفی ہے ۔ انصاف کا تقاضہ تو یہ ہے کہ انہیں سخت اور عبرتناک سزائیں دی جائیں لیکن حکومت سعودیہ کی ایما ء پر ان سے مذاکرات چاہتی ہے۔ دراصل سعودی حکومت کی آنکھوں پر تعصب کی چربی چڑھی ہوئی اور وہ ہر اس ملک پر فیصلہ کن جنگ مسلط کرنا چاہتا ہے جہاں ملت تشیع کے لوگ امن و سکون سے زندگی گزار رہے ہیں۔بحرین کے شاہ کی آمد بھی اس سلسلے کی ایک کڑی ہے۔

انہوں نے حکومت کو متنبہ کیا ہے کہ وہ پاکستانی عوام کو کسی بھی اسلامی ملک کے خلاف استعمال کرنے سے باز رہے۔اگر ذاتی اغراض و مقاصد کی خاطر ایسا کوئی اقدام کیا گیا تو اس کے بھیانک نتائج سامنے آئیں گے۔ انہوں نے کہا شام حکومت کے خلاف دہشت گردوں کے ساتھ ساز باز خارجہ پالیسی کے تقاضوں کے برعکس بھی ہے اور ایک غیر اخلاقی عمل بھی۔ حکومت پاکستان کو چاہیے کہ وہ سعودیہ، بحرین سمیت کسی بھی ملک کے اس ایجنڈے کا حصہ نہ بنے۔

وحدت نیوز(کوئٹہ) مجلس وحدت مسلمین کے زیر اہتمام بروز جمعتہ المبارک پورے پاکستان کی طرح کوئٹہ میں بھی یوم مذمت طالبان اور ٹاریٹ کلنگ کیخلاف احتجاجی مظاہرہ کیا گیا ۔احتجاجی مظاہرے سے MWMکوئٹہ ڈویژن کے ڈپٹی سیکرٹری جنرل علامہ ولایت حسین جعفری خطاب کرتے ہوئے کہاکہ آج طالبان سمیت دہشت گرد عناصر پاکستان کے لئے تباہی کا سامان ہے یہ تمام دہشت گرداورکالعدم تنظیمیں غلط خارجہ پالیسی کا نتیجہ ہے ۔جس کی وجہ سے مملکت خداداد پاکستان شدید خطرات سے درچار ہیں ۔ اب تو یہ بات روز روشن کی طرح عیاں ہوچکی ہیں کہ یہی دہشت گرد اسلام و پاکستان دشمن عناصر کے ہاتھوں میں کھیل رہے ہیں۔ انہوں نے کہا کہ یہ دہشت گرد عناصر پاکستان کے انتہائی حساس مقامات ، فوج اور عوام کو نشانہ بناچکی ہے لہٰذا یہ مفسد فی الارض ہے اور باغی ہے شریعت اور عقل کی رو سے ان کے خاتمے میں ہی پاکستان کی بقاء اور امن کی ضمانت ہے۔ امریکی ،اسرائیلی ودیگر شیطانی طاقتوں کی ایماء پر یہ دہشت گرد اسلام کو دنیا میں کمزو ر کرنے کی ناکام کوششوں میں مصروف عمل ہے یہ وحشی ہے اور انسانیت سے دور ان کو پاکستان اور پاکستانی عوام مسلمانوں کے جان ومال کی کوئی پروا نہیں اور آئین پاکستان کونہیں مانتے تو اس صورت میں ان کا خاتمہ پاکستانی حکومت بھرپورطاقت کا استعمال کریں ورنہ یہ اسلام اور پاکستان دشمن عناصر ہلاکت کا باعث ہوگا ۔ اس صورت حال میں پاکستان بھر کے سنی شیعہ عوام کسی بھی صورت خاموش تماشائی نہیں رہ سکتے ہیں جس کا مظاہرہ پچھلے چند مہینوں سے ہوتا چلاآرہا ہے اور پاکستانی عوام حکومتی کوتاہی کی صورت میں خود میدان میں نکل کران دہشت گردوں کو رسوا کرکے ان کا خاتمہ کرینگے انشاء اللہ ۔

انہوں نے مزید کہا کہ پاکستان میں بلکہ پوری دنیا میں مسلمانوں میں کسی بھی قسم کی فرقہ واریت نہیں اور امت مسلمہ پوری طرح اتحاد بین المسلمین دائرے میں زندگی گزاررہے ہیں لیکن اسلام دشمن عناصر اپنے پالے دہشت گردوں کے ذریعے مسلمانوں میں انتشا ر کا باعث بنے ہوئے تو ہم حکومت وقت سے نہایت سختی کے ساتھ مطالبہ کرتے ہیں کہ ان کے خلاف بھرپور آپریشن کرکے ان کا قلہ قمہ کریں یہی پاکستانی اٹھارہ کروڑ عوام کا مطالبہ ہے اور پاکستان کے بقاء کا ضامن بھی۔ مجلس وحدت مسلمین دہشت گردوں کے خلاف آپریشن میں حکومت پاکستان اور فوج کی بھرپورحمایت کرتاہے اور اس میدان میں ان کے شانہ بشانہ کھڑے ہیں۔

وحدت نیوز( کراچی) مجلس وحدت مسلمین پاکستان کراچی ڈویژن کے تحت جمعہ کے روز ملک بھر کی طرح کراچی بھر میں احتجاجی مظاہرے کئے گئے،احتجاجی مظاہروں کا مقصد پاکستان میں بڑھتی ہوئی دہشت گردی اور دہشت گرد ی کے ذمہ داروں طالبان دہشت گردوں کا قلع قمع کرنے کے لئے حکومت سے مطالبہ سمیت حالیہ دنوں سعودی عرب کی ایما ء پر پاکستان کو شام کی جنگ میں دھکیلنے کی سازش کی مذمت کرنا تھا، اس حوالے سے کراچی کے مختلف علاقوں بشمول جامع مسجد حسینی برف خانہ ملیر، جامع مسجد مصطفی عباس ٹاؤن، جامع مسجد نور ایمان ناظم آباد،جامع مسجد جعفریہ نارتھ کراچی سمیت دیگر مقامات پر احتجاجی مظاہرے ہوئے جبکہ مرکزی احتجاجی مظاہرہ خوجہ مسجد کھارادر کے باہر ہوا،احتجاجی مظاہروں میں سیکڑوں مظاہرین نے شرکت کی جن کے ہاتھوں میں بینرز اور پلے کارڈز موجود تھے جس پر پاکستان شام کی جنگ میں نہ پڑے، سعودی ایماء پر پاکستان کو شام کی جنگ میں دھکیلنے کی مذمت کرتے ہیں، پاکستان کا دفاع کرتے رہیں گے، حکومت ہوش کے ناخن لے، طالبان دہشت گردوں کے خلاف وسیع پیمانے پر آپریشن کیا جائے سمیت مردہ باد امریکہ اور اسرائیل نا منظور کے نعرے درج تھے۔ شہر بھر میں ہونے والے احتجاجی مظاہروں سے مجلس وحدت مسلمین پاکستان کے صوبائی سیکرٹری سیاسیات علامہ عبد اللہ مطہری،مولانا منور نقوی(رہنما مجلس وحدت مسلمین کراچی) مولانا علی انور جعفری (سیکرٹری روابط کراچی)، علی حسین نقوی (سیکرٹری سیاسیات کراچی)، انجینئر رضا نقوی (ڈپٹی سیکرٹری جنرل کراچی)، مولانا علی افضال، مولانا باقر زیدی، مولانا ذوالفقار جعفری اور احسن عباس رضوی سمیت دیگر نے خطاب کیا۔

احتجاجی مظاہروں سے خطاب کرتے ہوئے مقررین کاکہنا تھا کہ پاکستان کو شام کی جنگی صورتحال میں دھکیلنا امریک اور اسرائیل کی گھناؤنی سازش ہے جسے سعودی عرب کے حکمران پاکستانی حکمرانوں کو لالچ دے کر پوری کروانے کی کوششیں کر رہے ہیں تاہم حکمرانوں کو چاہئیے کہ ہوش کے ناخن لیں اور پاکستان کے وسیع تر مفادات کی خاطرکسی بھی عرب یا دیگر ممالک کی ایماء پر شام کی جنگ میں کودنے سے خود کو دور رکھیں، ان کاکہنا تھا کہ پاکستان کے بیس کروڑ عوام کی زندگیوں اور مستقبل کو داؤ پر لگانے والے حکمرانوں کو چاہئیے کہ وہ سعودی عرب کی ایماء پر شام سمیت کسی بھی ملک کے خلاف استعمال ہونے سے پہلے اپنے اندرونی دشمن طالبان دہشت گردوں کا قلع قمع کریں کیونکہ مستقبل قریب میں سعودی منصوبہ بندی کے تحت شام میں لڑنے والے باغی بھی پاکستان پہنچنا شروع ہو جائیں گے جویقیناًپاکستان کے مفاد میں نہیں ہوگا۔

مقررین کاکہنا تھا کہ گذشتہ دنوں افواج پاکستان کی جانب سے طالبان دہشت گردوں کے ٹھکانوں پر کی جانے والی کاروائی پر افواج کو خراج تحسین پیش کرتے ہیں اور سوال کرتے ہیں کہ افواج پاکستان اپنے جوانوں کے قتل کے انتقام کی خاطر تو طالبان دہشت گردوں کے خلاف فوری کاروائی عمل میں لاتی ہیں تاہم پاکستان کے عام عوام کو قتل کرنے والوں کے خلاف کون اٹھے گا؟ کیا پاکستان کے عوام اپنا دفاع خود کریں یا افواج پاکستان عوام کے قاتلوں کے خلاف بھی کاروائی عمل میں لائیں گی؟ مجلس وحدت مسلمین پاکستان کے رہنماؤں نے مطالبہ کیا ہے کہ طالبان دہشت گردوں کے خلاف آپریشن کا دائرہ کار وسیع کیا جائے اور طالبان دہشت گردوں کا قلع قمع کیا جائے،اس موقع پر مظاہرین نے امریکہ مردہ باد، اسرائیل نامنظور، دہشت گردی نامنظور، طالبان کے خلاف آپریشن کرو سمیت لبیک یا رسول اللہ (ص) اور لبیک یا حسین (ع) کے فلک شگاف نعرے بھی بلند کئے۔

وحدت نیوز(لاہور) مجلس وحدت مسلمین پاکستان کے سربراہ علامہ ناصر عباس جعفری کی اپیل پر ملک میں جاری شیعہ نسل کشی اور  50 ہزار شہداء کے قاتلوں سے مذاکرات کیخلاف ملک بھر میں نماز جمعہ کے بعد احتجاجی مظاہرے کئے گئے۔ پنجاب میں لاہور، ننکانہ، قصور، ساہیوال، اوکاڑہ، ملتان، فیصل آباد، سرگودھا، چینیوٹ، جھنگ، لیہ، میانوالی، جہلم، اٹک اور دیگر شہروں میں احتجاجی مظاہرے ہوئے۔ لاہور میں پریس کلب کے سامنے مظاہرہ ہوا۔ جس کی قیادت علامہ امتیاز کاظمی، علامہ سید جعفر موسوی، علامہ حسن ہمدانی، علامہ ابوذر مہدوی، سید ناصر عباس شیرازی نے کی۔

مظاہرین سے خطاب کرتے ہوئے علامہ سید جعفر موسوی کا کہنا تھا کہ مذاکرات کے نام پر معصوم بے گناہ پاکستانیوں کا خون بہایا جا رہا ہے، پاکستان میں منظم انداز میں شیعہ نسل کشی جاری ہے۔ انہوں نے کہا کہ قصہ خوانی بازارمیں دھماکے کی ذمہ داری طالبان کے قبول کرنے کے بعد مذاکراتی چمپیئن بتائیں کہ ان بے گناہوں کے خون کا حساب کون دے گا۔ علامہ سید جعفر موسوی کا کہنا تھا کہ ہم اب میدان میں نکل چکے ہیں، پاکستان کو دہشتگردوں کے رحم و کرم پر نہیں چھوڑا جا سکتا، ہم ملک کے کونے کونے میں ان دہشتگردوں کیخلاف آواز بلند کریں گے۔

علامہ ابوذر مہدوی نے مظاہرین سے خطاب میں کہا کہ قصہ خوانی بازار میں طالبان دہشتگردوں نے جہاں معصوم پاکستانیوں کا قتل عام کیا اس کی مثال نہیں ملتی، زخمیوں کے لواحقین ہسپتالوں میں اپنے پیاروں کو لئے بے یارومددگار ہیں لیکن خیبر پختونخواہ حکومت خاموش تماشائی کا کردار ادا کر رہی ہے۔ انہوں نے کہا کہ ہم حالات کا بغور جائزہ لے رہے ہیں، اگر زخمیوں کی حالت زار ایسے رہی تو ہم مجبور ہوں گے کہ تحریک انصاف کیخلاف بھی ملک گیر احتجاج کریں۔ احتجاجی مظاہرے میں خواتین، بچے بھی شامل تھے جو دہشتگردی کے خلاف پلے کارڈ اور بینرز اٹھائے احتجاج کر رہے تھے۔

وحدت نیوز( کراچی) شہید علامہ دیدارعلی جلبانی کے سوئم پر مجلس وحدت مسلمین کے تحت تعزیتی اجتماعات منعقد کئے گئے اور قاتلوں کی عدم گرفتاری کے خلاف جمعہ کو یوم احتجاج منایا گیا جس میں قاتلوں بشمول بعض مدارس میں چھپے دہشت گردوں کی گرفتاری کا بھی مطالبہ کیا گیا۔ مجلس وحدت مسلمین کراچی کے رہنما مولانا دیدار علی جلبانی اور ان کے گارڈ کو منگل کے روز شہید کیا گیا تھا۔ ان کے بہیمانہ قتل اور قاتلوں کی عدم گرفتاری کے خلاف منعقدہ یوم احتجاج کے موقع پرکراچی سمیت سندھ بھر میں احتجاجی مظاہرے اور ریلیاں نکالی گئیں ، مرکزی احتجاجی مظاہرہ خوجہ مسجد شیعہ اثنا عشری کھارادر کے باہر کیا گیا۔ مرکزی احتجاجی مظاہرے سے خطاب کرتے ہوئے مجلس وحدت مسلمین سندھ کے ڈپٹی سیکرٹری جنرل علامہ صادق رضا تقوی اور کراچی ڈویژن کے رہنماؤں علی حسین اور مولانا علی انور جعفری نے کہا کہ حکومت سندھ امن و امان قائم کرنے میں ناکام ہو چکی ہے، عوام کا قانون نافذ کرنے والے اداروں بشمول رینجرز اور پولیس سے اعتماد اٹھ چکا ہے، دن دہاڑے شیعہ عمائدین اور علمائے کرام کا قتل حکومت اور قانون نافذ کرنے والے اداروں کی نا اہلی کا منہ بولتا ثبوت ہے۔ انہوں نے کہا کہ کراچی میں موجود کورنگی ، سائٹ اور دیگر علاقوں میں موجود مدارس کے اندر بڑی تعداد میں دہشت گرد موجود ہیں جو شہر کراچی میں امن و امان کو قائم رکھنے کے لئے بڑا خطرہ ہیں اور اس حوالے سے خفیہ ایجنسیاں بھی رپورٹ پیش کر چکی ہیں اس لئے حکومت کو چاہئیے کہ ایجنسیوں کی اطلاعات کے مطابق مدارس میں موجود خطر ناک دہشتگردوں کے خلاف کاروائی عمل میں لائی جائے اور شہر کراچی میں گذشتہ دوماہ میں درجنوں شیعہ عمائدین کے ٹارگٹ کلرز کو گرفتار کر کے قرار واقعی سزا دی جائے۔

ان کاکہنا تھا کہ مولانا دیدار علی جلبانی کے قتل میں ملوث رینجرز کے ڈی ایس آر سمیت دیگر تمام ذمہ داروں کے خلاف فی الفور کاروائی عمل میں لائی جائے ورنہ احتجاج کا سلسلہ ایوانوں تک بڑھا دیا جائے گا، حکومت یہ بات جان لے کہ ملت جعفریہ کو دیوار سے لگانے کی سازش در اصل ملک دشمنی اور اسلام دشمنی کے مترادف ہے جس کے سنگین نتائج برآمد ہوں گے، انہوں نے مزید کہا کہ شہادت ہماری میراث ہے اور دنیا کی کوئی طاقت ہمیں موت کے خوف سے محمد و آل محمد (ع) کی محبت اور عزاداری سے دور نہیں کر سکتی۔علامہ ا صادق رضا تقوی کاکہنا تھا کہ اربعین امام حسین علیہ السلام کے جلوس عزاء یہ ثابت کر دیں گے کہ دشمنان پاکستان اور دشمنان اسلام کی سازشوں کو پایہ تکمیل تک نہیں پہنچنے دیں گے خواہ ہمیں کسی بھی قسم کی قربانی دینا پڑے۔ان کا کہنا تھا کہ جس روز سے کراچی میں آپریشن شروع کیا گیا ہے اسی روز سے شہر کراچی میں ملت جعفریہ کے عمائدین کی ٹارگٹ کلنگ میں تیزی آ گئی ہے تاہم پولیس اور رینجرز کسی ایک قاتل کو بھی تا حال گرفتار کرنے میں ناکام رہے ہیں۔اس موقع پر شرکاء نے لبیک یا حسین (ع) اور مردہ باد امریکہ اور اسرائیل نا منظور کے نعرے بلند کئے۔شرکاء نے وزیر اعلیٰ سندھ قائم علی شاہ، آئی جی سندھ اورڈی جی رینجرز سے مجلس وحدت مسلمین کے رہنما شہید دیدار علی جلبانی سمیت اب تک دوماہ میں شہید کئے جانے والے ملت جعفریہ کئے عمائدین کے قتل میں ملوث تکفیری دہشت گردوں کو گرفتار کر نے کا مطالبہ کیا۔