وحدت نیوز (کراچی) ملک دشمن عناصر سندھ میں فرقہ واریت کو فروغ دینا چاہتے ہیں۔حضرت محمد ﷺ اور ان کی آل پر مسلمانوں کے تمام مکاتب فکر کا کامل ایمان ہے۔ اہلبیت اطہار علیہم السلام کی گستاخی توہین رسالت کے زمرے میں آتی ہے جس کے مرتکب کو سرعام پھانسی ملنی چاہئے ان خیالات کا اظہار مجلس وحدت مسلمین سندھ کے صوبائی سیکرٹری جنرل علامہ باقر زیدی نے بعد نماز جمعہ خوجہ جامع مسجد اثناء عشری کھارادر میں احتجاجی مظاہرے سے خطاب کے دوران کیا۔

انہوں نے کہا کہ امام مہدی علیہ السلام کی ذات اقدس کے حوالے سے تمام مسلمانوں کے تمام مکاتب فکر متفق ہیں اور ان کے احترام کو ایمان کا حصہ قرار دیتے ہیں۔سوشل میڈیا پر امام مہدی علیہ السلام کی شان میں گستاخی کرنے والے ملعون عبد الستار جمالی نے امت مسلمہ کے مذہبی جذبات کو مجروح کیا۔توہین اہلبیت کی اس جسارت نے پورے ملک کو غم و غصے میں مبتلا کر دیا ہے۔عبد الستار جمالی نہ صرف مقدسات کی توہین کا ارتکاب کیا ہے بلکہ پورے  ملک میں فرقہ واریت کی آگ بھڑکا نے کی مذموم کوشش بھی کی ہے۔

اس اقدام کے خلاف مجلس وحدت مسلمین کی کال پر جمعہ کے روزسندھ کے مختلف اضلاع میں احتجاجی مظاہرے کیے گئے اس حوالے سے جامع مسجد نور ایمان،جامع مسجد حیدری اونگی ٹاون کراچی میں بھی احتجاجی مظاہرے کیئے گئے جس میں مولانا ملک عباس،علامہ صادق جعفری،علامہ علی انور جعفری،علامہ مبشر حسن،ناصر الحسینی سمیت دیگر رہنما وں  نے خطاب کرتے ہوئے مجرم کو کیفر کردار تک پہنچانے کا مطالبہ کیا۔

مقررین نے مظاہروں سے خطاب کرتے ہوئے کہا کہ سرزمین سندھ اول اسلام کے بعد سے ہی اولیاء اللہ کا مسکن رہی ہے اور اس سرزمین پر مشہور معروف صوفی و مذہبی شخصیات کی آمد و رفت رہی ہے اور انہی کی بدولت اسلام پھیلا ہے جبکہ آج سندھ دھرتی پر چند نفرت انگیز عناصر دشمنان اسلام اور دشمنان پاکستان کے ناپاک عزائم کی تکمیل کے لئے یہاں فرقہ واریت کو فروغ دینا چاہتے ہیں کہ سندھ دھرتی میں بسنے والے پر امن اورعاشقان محمد و آل محمد علیہم السلام کے راستوں میں رکاوٹ بن سکیں۔

انہوں نے مزید کہاکہ فرقہ واریت کو ہوا دینے کے لئے بیرونی آقاؤں کے اشاروں پر چلنے والے یہ ناعاقبت اندیش عناصر کبھی توہین رسالت کے مرتکب ہو تے ہیں تو کبھی اہل بیت رسول کے خلاف ہرزہ سرائی کر کے سندھ کے پر امن ماحول کو خراب کرنے کا گھناؤنا کھیل کھیل رہے ہیں، عبد الستار جمالی کو سرعام پھانسی پر لٹکایا جائے تاکہ آئندہ کوئی ایسی مذموم حرکت کرنے کی جرات نہ کرے۔مقررین نے احتجاجی مظاہروں میں  حکومت سے جبری لاپتہ شیعہ افراد کی  رہائی کا مطالبہ بھی کیا۔

وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری عید الاضحیٰ کے موقع پر میڈیا سیل سے جاری اپنے پیغام میں کہا ہے کہ عید قربان ایک عظیم قربانی کی یاد دلاتی ہے جہاں ایثار اور فدا کاری نظر آتی ہے اس عید کا پیغام ہمارے لے یہ ہے کہ ہمارے اندار ایثار اور قربانی کا جذبہ قوی تر ہونا چاہیے ہم ایک دوسرے کا خیال رکھیں ایک دوسرے کے ساتھ ہمددری کیساتھ پیش آئے ہمیں اس عید پر مادر وطن کےشہیدوں کی فیملیز کو بھی نہیں بھولنا ہمیں اپنی خوشیوں میں اُن کو یاد رکھنا ہے تاکہ عید کی خوشیوں میں ہمارے خانوادگان شہداء بھی شریک ہوں۔

 انہوں نے کہا کہ ہمارے بے گناہ مسنگ پرسنز جو کئی کئی سالوں لاپتہ ہیں انکے گھر والے ان کے انتظار میں ہیں عید آگئی ہے اور میری اپیل ہے کہ ہمیں ان ایام میں بے گناہ جبری گمشدہ افراد کے گھرانوں کو یاد رکھے اور ان کا بھر پور ساتھ دیں انکو حوصلہ دیں انشا اللہ ظلم کی سیاہ رات ختم ہو جائے گی یہ ہمارے عزیز واپس آجائیں گے میرا حکومت سے بھی مطالبہ ہے یہ انسانی بنیادی حقوق کے خلاف ہے پاکستان کے آئین اور دستور اور قانون کے خلاف ہے افسوس کے ساتھ کہنا پڑتا ہے یہ ظلم ابھی رکا نہیں ہے، مسلسل ہمارے نوجوان ان نادیدہ قوتوں کا نشانہ بن رہے ہیں،لہذا ہم نے مسنگ پرسن کو بھولنا نہیں ہے انکا اور ان خانوادگان کا بھر پور ساتھ دینا ہے اور حکمران یاد رکھےحکومتیں کفر سے تو باقی رہ سکتی ہیں ظلم سے نہیں۔

علامہ راجہ ناصر عباس جعفری نے اپنے پیغام میں مزید کہا کہ کشمیر کے مظلومین کو عید کے دن ہرگس فراموش نہیں کرنا عید سادگی سے منائیں اور نماز عید کے اجتماعات میں مظلومین کشمیر، فلسطین،یمن کے حق میں صدائے احتجاج بلند کرے، انشاءاللہ مسلمانوں پر مسلط ان ظالموں کا انجام عبرت ناک ہوگا وعدہ الہی ہے کہ مستضعفین کو اس زمین کا وارث بنایا جائے گا۔

وحدت نیوز(کراچی) سربراہ مجلس وحدت مسلمین علامہ راجہ ناصر عباس جعفری کی اپیل پر ملک بھر کی طرح کراچی میں بھی کشمیری مظلومین کی حمایت اور فاشسٹ ہندوستانی وزیراعظم مودی کیخلاف احتجاجی مظاہرے کئے گئے۔مظاہرین انڈیا اور مودی کیخلاف نعرے اور کشمیری مظلومین سے اظہار یکجہتی کے لئے شعار بلند کر رہے تھے۔مظاہرین سے خطاب کرتے ہوئے مقررین نے کہا کہ کشمیر کی آزادی کے لئے ہم کسی بھی قربانی سے دریغ نہیں کریں گے اگر پاکستان پر جنگ مسلط کی تو یہ آخری جنگ ہو گی اور ہندوستان جنوبی ایشیاء کے نقشے سے ہمیشہ ہمیشہ کے لیے انشائاللہ مٹ جائے گا۔کراچی میں مرکزی مظاہرہ بعد نماز جمعہ جامع مسجد نور ایمان ناظم آباد کے باہر منعقد کیا گیا جس سے مجلس وحدت مسلمین سندھ کے سیکریٹری جنرل علامہ باقرعباس زیدی، علامہ علی انور جعفری،مولانا زاہد ہاشمی و دیگر نے خطاب کیا۔

مظاہرے سے خطاب کرتے ہوئے علامہ باقر زیدی کا کہنا تھا کہ کشمیر کی آزادی نوشتہ دیوار ہے ہندوستان اسرائیل کی طرح دنیا کے نقشے سے جلد مٹنے والا ہے۔ انہوں نے کہا کہ ہم اپنے مظلوم کشمیری بہن بھائیوں کی آزادی کے لئے ہر قسم کی قربانی کے لئے تیار ہیں۔ ایم ڈبلیو ایم سندھ کے رہنماء علامہ باقر زیدی نے مزید کہا کہ اقوام عالم کی ہندوستانی ظلم بربریت پر خاموشی افسوسناک ہے۔ انکا کہنا تھا کہ کشمیر ہماری شہ رگ حیات ہے اس پر لگنے والے ہاتھ کو ہم کاٹ کر رکھ دینگے۔

علامہ باقر زیدی نے مزید کہا کہ کہ بھارت مسئلہ کشمیر کو اندرونی مسئلہ کہ کر دنیا کو دھوکہ نہیں دے سکتا،ہندوستان کا یہ اقدام اقوام متحدہ کی قرارداوں کی مکمل خلاف ورزی ہے۔ علامہ علی انور جعفری نے کہا کہ مسئلہ کشمیراقوام متحدہ میں ایک حل طلب مسئلہ ہے، خطے پر جنگ کے خطرات منڈلا رہے ہیں دنیا کو پاکستان اور ہندوستان کے درمیان کشیدہ صورت حال پر انتظار نہیں کرنا چاہئے۔ انہوں نے کہا کہ اگر انڈیا پاکستان کے مابین جنگ ہوئی تو اس جنگ کی حدت کو پوری دنیا محسوس کریگی۔

مولانا زاہد ہاشمی نے کہا کہ پاکستانی عوام کے دل اپنے مظلوم کشمیری بھائیوں کے ساتھ ہیں ہم پہلے بھی کشمیر کے لئے جنگ لڑ چکے ہیں۔ انکا کہنا تھا کہ پاکستان کی غیور اور بہادر قوم اپنے مظلوم نہتے کشمیری بھائیوں کی حقوق کے لئے دوبارہ بھی قربانیاں دینے کے لئے تیار ہیں۔

 دریں اثناء مجلس وحدت مسلمین کی جانب سے ملک بھر کی طرح سند ھ کے مختلف اضلاع میں یوم یکجہتی کشمیر کے موقع پر ریلیاں اور احتجاجی مظاہرے منعقد کئے گئے جس میں سکھر چوہدر ی اظہر، خیرپور آغا منور جعفری، رانی پورمیں مولانا احمد علی،ٹھری میں مولا نبی بخش،شکارپورمیں فدا عباس، کنب میں مولانا نقی حیدری، جیکب آباد میں مرکزی ترجمان علامہ مقصودڈومکی،مولانا سیف علی،کشمور میں میر فائق،لاڑکانہ میں مولانا محمد علی، شھدادکوٹ میں سید علی اکبر، نواب شاہ میں مولانا سجادمحسنی، مٹیاری میں مولانا دوست علی، ٹنڈو الہیارمیں غلام رسول، ماتلی میں یعقوب حسینی،بدین میں مولا نا سید نادرشاہ، سجاول میں مظفر لغاری، ٹھٹھہ میں ڈاکٹر عبد الحسین،ٹنڈو محمد خان میں مولانا محمد بخش، عمرکوٹ میں راجا اسد،تھرمیں امیر سلطان، سانگھر میں کریم بخش،نوشہرہ میں و اسد علی، جامشورومیں سید غلام شاہ،دادو میں اصغر حسینی اورگھوٹکی میں مولانا معشوق قمی ودیگر نے خطاب کیا۔

وحدت نیوز(اسپیشل رپورٹ) مجلس وحدت مسلمین کے زیر اہتمام سربراہ مجلس وحدت مسلمین پاکستان علامہ راجہ ناصر عباس جعفری کی اپیل پر ملک بھر میں کشمیری مظلومین کی حمایت اور فاشسٹ ہندوستانی حکمران مودی کیخلاف احتجاجی مظاہرے کئے گئے چاروں صوبوں، آزاد کشمیر سمیت گلگت بلتستان کے ضلعی ہیڈ کوارٹرز پر نماز جمعہ کے بعد بڑی تعداد میں لوگ سڑکوں پر نکل آئے مظاہرین انڈیا اور مودی کیخلاف نعرے اور کشمیری مظلومین سے اظہار یکجہتی کے لئے شعار بلند کر رہے تھے۔جنہوںنے ہاتھوں میں پلے کارڈز بھی اٹھارکھے تھے۔مختلف شہروں میں مظاہرین نے بھارتی پرچم اور مودی کے پتلے بھی نذرآتش کیئے۔مظاہرین سے خطاب کرتے ہوئے مقررین نے کہا کہ کشمیر کی آزادی کے لئے ہم کسی بھی قربانی سے دریغ نہیں کریں گے اگر پاکستان پر جنگ مسلط کی تو یہ آخری جنگ ہو گی اور ہندوستان جنوبی ایشیاءکے نقشے سے ہمیشہ ہمیشہ کے لیے انشاءاللہ مٹ جائے گا۔

 ملک بھر کی طرح وفاقی دارالحکومت اسلام آباد میں بھی نماز جمعہ کے بعدجامع مسجد و امامبارگاہ اثنا عشری کے باہر احتجاجی مظاہرہ کیا گیا ۔احتجاجی مظاہرے سے خطاب کرتے ہوئے مرکزی رہنما ایم ڈبلیوایم علامہ اقبال بہشتی نے کہا کہ وطن عزیز کا بچہ بچہ کشمیر کے لئے بے پناہ محبت رکھتا ہے ۔ مودی سرکارکا حالیہ اقدام ہمارے زخموں پر نمک پاشی کے مترادف ہے ۔ ہم کشمیر میں بھارت کے غاصبانہ قبضے اور اس کی خصوصی حیثیت ختم کرنے کے خلاف سراپا احتجاج ہیں ۔

احتجاجی مظاہرے سے اپنے خطاب میں مرکزی سیکرٹری تعلیم ایم ڈبلیوایم نثارعلی فیضی نے کہا کہ ہندوستان نے کشمیر کو جنوبی ایشیا کا فلسطین بنا دیا ہے ۔ ہم دنیا کے حریت پسندوں اور باضمیر لوگوں سے استدعا کرتے ہیں کہ کسی عظیم انسانی المیے سے پہلے کشمیر کے لئے دنیا پھر میں آواز اٹھائی جائے کشمیر میں ظلم و بربریت پر اقوام متحدہ کی خاموشی مجرمانہ ہے کشمیریوں سے ہمارا ایمانی رشتہ ہے وہاں قائد اعظم محمد علی جناح کے فرمان کی روشنی میں کشمیر پاکستان کی شہ رگ حیات بھی ہے۔

لاہور میں بھی مجلس وحدت مسلمین لاہور اور امامیہ سٹوڈنٹس آرگنائزیشن پاکستان لاہور ڈویژن کے زیراہتمام لاہور پریس کلب کے باہر احتجاجی مظاہرہ کیا گیا۔ مظاہرے کی قیادت ایم ڈبلیو ایم کے صوبائی رہنما علامہ سید حسن رضا ہمدانی اور سیدہ حنا تقوی نے کی۔ ریلی کے شرکاء نے بینرز اور پلے کارڈ اٹھا رکھے تھے جن پر بھارت کیخلاف اور کشمیریوں کی جدوجہد آزادی کے حق میں نعرے درج تھے۔ مظاہرین میں خواتین اور بچوں کی بھی کثیر تعداد موجود تھی۔ علامہ سید حسن رضا ہمدانی نے مظاہرین سے خطاب کرتے ہوئے کہا کشمیر کا ہندوستان میں غیر قانونی انضمام مودی سرکار کی اوچھی حرکت ہے جس کو ہرگز تسلیم نہیں کیا جائے گا۔

کراچی میں جامع مسجد حسینی ؑبرف خانہ ملیر، جامع مسجد حیدری اورنگی ٹاؤن ، خوجہ جامع مسجد کھارادراور جامع مسجد نورایمان ناظم آباد کے باہر احتجاجی مظاہرے کیئے گئے۔مرکزی مظاہرہ بعد نماز جمعہ جامع مسجد نور ایمان ناظم آباد کے باہر منعقد کیا گیا جس سے مجلس وحدت مسلمین سندھ کے سیکریٹری جنرل علامہ باقرعباس زیدی، علامہ علی انور جعفری،مولانا زاہد ہاشمی و دیگر نے خطاب کیا۔ مظاہرے سے خطاب کرتے ہوئے علامہ باقر زیدی کا کہنا تھا کہ کشمیر کی آزادی نوشتہ دیوار ہے ہندوستان اسرائیل کی طرح دنیا کے نقشے سے جلد مٹنے والا ہے۔ انہوں نے کہا کہ ہم اپنے مظلوم کشمیری بہن بھائیوں کی آزادی کے لئے ہر قسم کی قربانی کے لئے تیار ہیں۔

کوئٹہ میں جامع مسجد اثناعشری کلاں کے باہر احتجاجی مظاہرے سے خطاب کرتے ہوئے مجلس وحدت مسلمین پاکستان کے مرکزی رہنما و امام جمعہ کوئٹہ علامہ سید ہاشم موسوی نے کہا کہ ایک طرف کشمیری عوام کیساتھ ہندستانی فوج کے بد ترین مظالم جاری ہے تو دوسری طرف نام نہاد اسلامی ممالک کی 39 ممالک اتحاد یمن کے مسلمانوں پر مسلط کردہ جنگ اور آل سعود کی بادشاہت بچانے میں مصروف ہے اور کشمیر میں قابض انڈئن فورسیز انسانی حقوق کی مسلسل پامالی کے بعد کشمیرویوں کو حق خود ارادیت دینے کے بجائے نیم خود مختاری قانون 370 اے 10 کو ختم کردیا جو کہ کشمیری عوام کیساتھ سراسر ظلم عالم اسلام سمیت عالم بشریت کی مجرمانہ خاموشی افسوس ناک بلکہ شرمناک ہے ۔

 ملک بھر کی طرح ملتان، لیہ ، ڈیرہ غازی خان، سند ھ کے مختلف اضلاع میں یوم یکجہتی کشمیر کے موقع پر ریلیاں اور احتجاجی مظاہرے منعقد کئے گئے جس میں سکھر چوہدر ی اظہر، خیرپور آغا منور جعفری، رانی پورمیں مولانا احمد علی،ٹھری میں مولا نبی بخش،شکارپورمیں فدا عباس، کنب میں مولانا نقی حیدری، جیکب آباد میں مرکزی ترجمان علامہ مقصودڈومکی،مولانا سیف علی،کشمور میں میر فائق،لاڑکانہ میں مولانا محمد علی، شھدادکوٹ میں سید علی اکبر، نواب شاہ میں مولانا سجادمحسنی، مٹیاری میں مولانا دوست علی، ٹنڈو الہیارمیں غلام رسول، ماتلی میں یعقوب حسینی،بدین میں مولا نا سید نادرشاہ، سجاول میں مظفر لغاری، ٹھٹھہ میں ڈاکٹر عبد الحسین،ٹنڈو محمد خان میں مولانا محمد بخش، عمرکوٹ میں راجا اسد،تھرمیں امیر سلطان، سانگھر میں کریم بخش،نوشہرہ میں و اسد علی، جامشورومیں سید غلام شاہ،دادو میں اصغر حسینی اورگھوٹکی میں مولانا معشوق قمی ودیگر نے خطاب کیا۔

وحدت نیوز(لاہور) مجلس وحدت مسلمین پاکستان کے سربراہ علامہ راجہ ناصر عباس کی اپیل پر آج ملک گیر یوم یکجہتی کشمیر منایا گیا۔ اس حوالے سے پاکستان کے تمام چھوٹے بڑے شہروں میں احتجاجی مظاہرے اور ریلیاں نکالی گئیں۔ لاہور میں بھی مجلس وحدت مسلمین لاہور اور امامیہ سٹوڈنٹس آرگنائزیشن پاکستان لاہور ڈویژن کے زیراہتمام لاہور پریس کلب کے باہر احتجاجی مظاہرہ کیا گیا۔ مظاہرے کی قیادت ایم ڈبلیو ایم کے صوبائی رہنما علامہ سید حسن رضا ہمدانی اور سیدہ حنا تقوی نے کی۔ ریلی کے شرکاء نے بینرز اور پلے کارڈ اٹھا رکھے تھے جن پر بھارت کیخلاف اور کشمیریوں کی جدوجہد آزادی کے حق میں نعرے درج تھے۔ مظاہرین میں خواتین اور بچوں کی بھی کثیر تعداد موجود تھی۔ علامہ سید حسن رضا ہمدانی نے مظاہرین سے خطاب کرتے ہوئے کہا کشمیر کا ہندوستان میں غیر قانونی انضمام مودی سرکار کی اوچھی حرکت ہے جس کو ہرگز تسلیم نہیں کیا جائے گا۔

انہوں نے کہا کہ مسئلہ کشمیر کو اقوام متحدہ کی قراردادوں کے مطابق حل کیا جائے، اس کے علاوہ اس کا کوئی حل قبول نہیں کریں گے۔ انہوں نے کہا کہ کشمیری اپنے حق کیلئے لڑتے رہیں ہیں اور کشمیر کی آزادی کی جدوجہد پاکستان کی تکمیل کی جدوجہد ہے جس میں پاکستان کا بچہ بچہ کشمیری بھائیوں کے شانہ بشانہ ہے۔ سید حسن رضا ہمدانی نے کہا مودی کو اپنا قبیح فیصلہ ہر صورت میں واپس لینا ہوگا۔ انہوں نے اقوام متحدہ اور او آئی سی سے بھی مطالبہ کیا ہے کہ کشمیریوں کی رائے کے مطابق حل کیا جائے۔ علامہ حسن رضا ہمدانی نے کہا کہ ہمارے کارکنوں نے کارگل میں بھارت کیخلاف مظاہرہ کیا مگر افسوس کی ریاستی پولیس نے ہمارے سیکڑوں کارکنوں کو گرفتار کرلیا، ہم ان گرفتاریوں کی مذمت کرتے ہیں اور مطالبہ کرتے ہیں کہ ہمارے تمام کارکنوں کو فی الفور رہا کیا جائے۔ انہوں نے کہا کہ ہم کشمیریوں کو تنہا نہیں چھوڑیں گے، کشمیری ہمارے بھائی ہیں ہر محاذ پر اپنے بھائیوں کے شانہ بشانہ کھڑے ہیں۔

ریلی سے خطاب کرتے ہوئے مجلس وحدت مسلمین لاہور شعبہ خواتین کی سربراہ خانم حنا تقوی نے کہا کہ کشمیر کی آزادی کیلئے کشمیری عوام اور پاک افواج کے شانہ بشانہ کھڑے ہیں، کشمیر کی ڈیموگرافی تبدیل کرنے کی سازش کسی صورت کامیاب نہیں ہونے دیں گے۔ انہوں نے کہا کہ ہم پاکستان بنانے والوں میں سے ہیں ہم پاکستان بچانے والوں میں سے ہیں، اس کے باوجود ہمارے جوانوں کو جبری لاپتہ کرنا ہماری حب الوطنی کیساتھ ناانصافی ہے۔ انہوں نے کہا کہ گزشتہ روز اسلام آباد سے سابق صدر آئی ایس او یافث نوید ہاشمی کا جبری لاپتہ ہو جانا لمحہ فکریہ ہے، ہم حکومت سے مطالبہ کرتے ہیں کہ یافث نوید ہاشمی کو فی الفور رہا کیا جائے۔ ریلی میں مجلس وحدت مسلمین کے کارکنان نے بھرپور شرکت کی جبکہ سجاد نقوی، شیخ عمران، سید حسین زیدی، رائے ناصر علی و دیگر عہدیداران  بھی شریک تھے۔

وحدت نیوز(ملتان) سربراہ مجلس وحدت مسلمین پاکستان علامہ راجہ ناصر عباس جعفری کی اپیل پر ملک بھر میں کشمیری مظلومین کی حمایت اور فاشسٹ ہندوستانی حکمران مودی کے خلاف احتجاجی مظاہرے کئے گئے، جنوبی پنجاب سمیت چاروں صوبوں، آزاد کشمیر، گلگت بلتستان کے ضلعی ہیڈکوارٹرز پر نماز جمعہ کے بعد بڑی تعداد میں لوگ سڑکوں پر نکل آئے، مظاہرین انڈیا اور مودی کے خلاف نعرے اور کشمیری مظلومین سے اظہار یکجہتی کے لئے شعار بلند کر رہے تھے، مظاہرین سے خطاب کرتے ہوئے مقررین نے کہا کہ کشمیر کی آزادی کے لئے ہم کسی بھی قربانی سے دریغ نہیں کریں گے، اگر پاکستان پر جنگ مسلط کی تو یہ آخری جنگ ہوگی اور ہندوستان جنوبی ایشیاء کے نقشے سے ہمیشہ ہمیشہ کے لیے مٹ جائے گا۔

ملک بھر کی طرح جنوبی پنجاب میں بھی نماز جمعہ کے بعد آٹھ اضلاع میں احتجاجی مظاہرے اور ریلیاں نکالی گئیں، ملتان میں مرکزی ریلی نماز جمعہ کے بعد امام بارگاہ ابوالفضل العباس سے نکالی گئی، جو چوک کمہاراں والا پر اختتام پذیر ہوئی، ریلی کی قیادت ایم ڈبلیو ایم جنوبی پنجاب کے ڈپٹی سیکرٹری جنرل سلیم عباس صدیقی، علامہ قاضی نادر حسین علوی، مولانا وسیم عباس معصومی، مولانا غلام جعفر انصاری، مرزا وجاہت علی، آئی ایس او ملتان کے ڈویژنل صدر عاطف حسین اور مظہر عباس کات نے کی۔ ریلی کے شرکاء نے بھارت، اسرائیل اور امریکہ کے خلاف شدید نعرے بازی، احتجاجی ریلی سے خطاب کرتے ہوئے سلیم عباس صدیقی نے کہا کہ وطن عزیز کا بچہ بچہ کشمیر کے لئے بے پناہ محبت رکھتا ہے، مودی سرکار کا حالیہ اقدام ہمارے زخموں پر نمک پاشی کے مترادف ہے، ہم کشمیر میں بھارت کے غاصبانہ قبضے اور اس کی خصوصی حیثیت ختم کرنے کے خلاف سراپا احتجاج ہیں۔

احتجاجی مظاہرے سے خطاب کرتے ہوئے دیگر رہنمائوں نے کہا کہ ہندوستان نے کشمیر کو جنوبی ایشیاء کا فلسطین بنا دیا ہے، ہم دنیا کے حریت پسندوں اور باضمیر لوگوں سے استدعا کرتے ہیں کہ کسی عظیم انسانی المیے سے پہلے کشمیر کے لئے دنیا پھر میں آواز اٹھائی جائے، کشمیر میں ظلم و بربریت پر اقوام متحدہ کی خاموشی مجرمانہ ہے، جہاں کشمیریوں سے ہمارا ایمانی رشتہ ہے، وہاں قائد اعظم محمد علی جناح کے فرمان کی روشنی میں کشمیر پاکستان کی شہ رگ حیات بھی ہے۔ ریلی میں انجینئر مہر سخاوت علی، سید ندیم عباس کاظمی، ڈاکٹر موسیٰ کاظم، فخر عباس اور دیگر نے بھی شرکت کی۔ ملتان کے علاوہ لیہ، بھکر، ڈیرہ غازیخان، میانوالی، اوچ شریف، بہاولپور اور رحیم یار خان میں بھی مجلس وحدت مسلمین کے زیراہتمام احتجاجی مظاہرے اور ریلیاں نکالی گئیں۔