وحدت نیوز (گلگت) چیف الیکشن کمشنر کی تقرری کیلئے صوبائی حکومت کی سمری قابل قبول نہیں۔حکومت ابھی سے پری پول رگنگ میں مصروف ہوگئی ہے۔چیف الیکشن کمشنر کی تعیناتی کیلئے تمام سیاسی جماعتوں کو اعتماد میں لیا جائے بصورت دیگر من پسند تقرری کی گئی تو الیکشن نتائج متنازعہ قرار پائینگے۔

مجلس وحدت مسلمین گلگت بلتستان کے صوبائی و ضلعی عہدیداران سید علی رضوی کی سربراہی میں وحدت ہائوس اسلام آباد منعقد ہونے والے اجلاس میں چیف الیکشن کمشنر کی تعیناتی میں میرٹ کو پائمال کرنے پر سخت برہمی کا اظہار کیا گیا اور صوبائی حکومت کے اس اقدام کو انتخابی نتائج کو اپنے حق میں تبدیل کرنے کی پیش بندی قرار دے کر اسے یکسر مسترد کردیا گیا۔

اجلاس سے خطاب کرتے ہوئے سید علی رضوی نے کہا کہ صوبائی حکومت کا اپوزیشن جماعتوں کو اعتماد میں لئے بغیر یکطرفہ طور پر چیف الیکشن کمشنر کی تعیناتی کا فیصلہ انتخابی نتائج کو متنازعہ بناکر علاقے میں انتشار اور انارکی پھیلانے کی سازش ہے جسے کسی طور تسلیم نہیں کیا جائے گا۔چیف الیکشن کمشنر غیر جانبدار اور تمام سیاسی جماعتوں کیلئے قابل قبول ہونا چاہئے تاکہ انتخابات شفاف اور منصفانہ ہوں لیکن لیگی حکومت کوآنے والے انتخابات میںبدترین شکست کے آثار نظر آچکے ہیں اور من پسندچیف الیکشن کمشنر کی تعیناتی کے ذریعے انتخابات نتائج کو اپنے حق میں تبدیل کرنا چاہتی ہے حالانکہ گلگت بلتستان میں اہل اور دیانتدار افراد کی کمی نہیں اور سمری میں جن افراد کی سفارش کی گئی ہے ان پر تمام سیاسی جماعتوں کو تحفظات ہیں۔ان میں سے ایک کے خلاف جوڈیشل کونسل میں پٹیشن بھی داخل ہے اس کے باوجود ایسے افراد کو چیف الیکشن کمشنر کی پوسٹ کیلئے نام بھیجنا قرین انصاف نہیں۔انہوں نے وزیر اعظم پاکستان سے مطالبہ کیا کہ صوبائی حکومت کی سمری کو واپس کیا جائے اور تمام سیاسی جماعتوں کے مشورے سے قابل قبول ،اہل اور دیانت دار چیف الیکشن کمیشن کی تعیناتی کو یقینی بنایا جائے۔

وحدت نیوز(لاہور)علمائے کرام معاشرے کی بہتری کیلئے اپنا کردار ادا کریں ،دشمن ہمیں داخلی اختلافات میں الجھانے کی سازشیں کر رہا ہے ۔ ان خیالات کا اظہار سربراہ مجلس وحدت مسلمین علامہ راجہ ناصر عباس جعفری نے پنجاب کے اراکین صوبائی شوری کے اجلاس سے خطاب کرتے ہوئے کیا ،انہوں نے کہا کہ محراب و ممبر اپنے اپنے فرائض ادا کریں دشمن کی کوشش ہے کہ عوام کو علما اور مذہبی قیادت سے دور کریں ۔معاشرہ سازی کا عمل علما کی ذمہ داری ہے ۔ علما اپنے علم وعمل کے زریعے قوم کی تربیت کریں ۔ہمیں ملکی ترقی و سلامتی کے لئے جدو جہد جاری رکھنا ہے اور ہماری جدوجہد کے مراکز مساجد ہونی چاہیے ان مراکز سے انتہا پسندی تکفیریت کو پرموٹ کرنے کے بجائے باہمی وحدت اخوت اور محبت کا پیغام عام ہو نے چاہیں۔

وحدت نیوز(فیصل آباد) مجلس وحدت مسلمین ضلع فیصل آباد شعبہ خواتین کا اہم اجلاس منعقد کیا گیا جس میں تمام اراکین کابینہ اور ممبران نے شرکت کی،اجلاس میں ایم ڈبلیوایم شعبہ خواتین کی مرکزی سیکرٹری فلاح و بہبود محترمہ فرحانہ گل زیب صاحبہ نے تنظیم کی اہمیت اور ضرورت پرگفتگو کی اور پھر قرآن سنٹر کا دورہ بھی کیا گیا،دوران اجلاس ایم ڈبلیوایم شعبہ خواتین میں شامل ہونے والی نئی ممبران کا تعرف بھی کروایا گیا، اجلاس کا باقائدہ اختتام دعائے امام زمانہ عج سے کیا گیا۔

وحدت نیوز (گلگت) مجلس وحدت مسلمین کے رہنما شیخ محمد بلال سمائری,ممبر جی بی اسمبلی رضوان علی, ڈپٹی سیکرٹری جنرل ایم ڈبلیو ایم عارف قنبری, سیکرٹری سیاسیات غلام عباس ,سیکرٹری یوتھ عمران حسین,شیخ مجتبی حسین سیکرٹری تبلیغات نے وحدت ہاؤس گلگت میں دیامر ڈیم کمیٹی کے رہنماؤں سے ملاقات کی.اس موقع پر باہمی اتفاق ویکجہتی کے ساتھ گلگت بلتستان کے حقوق کیلئے مشترکہ جدوجہد کے عزم کا اظہار کیا گیا،مجلس کے رہنماؤں نے دیامر ڈیم کمیٹی کے رہنماؤں کو بھرپور تعاون کا یقین دلایا اور دیامر کے متاثرین کے جملہ مسائل ومشکلات کے حل کیلئے ہرفورم پر آواز بلند کرنے کا وعدہ کیا،اس موقع پر دیامر کے معززین کے مجلس وحدت مسلمین کے تعاون کا شکریہ ادا کرتے ہوئے اتحاد وحدت کے ساتھ جی بی کے مسائل پر مشترکہ موقف اپنانے کا بھی یقین دلایا۔

وحدت نیوز(اسلام آباد) مجلس وحدت مسلمین خیبر پختونخوا کی کابینہ کا اجلاس مرکزی سیکرٹریٹ میں منعقد ہوا۔ جس میں قائد وحدت علامہ راجہ ناصر عباس جعفری نے خصوصی شرکت کی۔ جبکہ صوبائی کابینہ کے اراکین کے علاوہ صوبائی سیکرٹری جنرل و رکن شوریٰ عالی علامہ اقبال بہشتی اور مرکزی سیکرٹری روابط ملک اقرار حسین اور مرکزی کورآڈینیٹرتنظیم سازی سید عدیل عباس زیدی بھی اجلاس میں شریک ہوئے۔ اس موقع پر صوبہ کی مجموعی تنظیمی صورتحال کا جائزہ لیا گیا اور تنظیمی فعالیت کو بڑھانے کیلئے اہم فیصلہ جات کئے گئے۔

وحدت نیوز(اسلام آباد)  ملی یکجہتی کونسل پاکستان کی آرگنائزنگ کمیٹی کا اجلاس لیاقت بلوچ کی زیر صدارت مرکزی سیکریٹریٹ میں منعقد ہوا جس میں مجلس وحدت مسلمین پاکستان کے مرکزی سیکرٹری سیاسیات اسد عباس نقوی اورمرکزی ڈپٹی سیکریٹری سیاسیات سید محسن شہریارنے خصوصی شرکت کی، اس موقع پر اجلاس میں ملی یکجہتی کونسل کو مزید فعال بنانے اور دستوری ترامیم کےحوالےسےاہم گفتگو ہوئی، اجلاس میں لیاقت بلوچ، ثاقب اکبرنقوی ، علامہ عارف واحدی ودیگرشریک تھے۔

Page 1 of 30

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree