وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں16 فروری 2013 سانحہ ہزارہ ٹاون کے تیسری برسی کے موقع پر ایم پی اے آغا رضا نے کہا ہے کہ وطن عزیز کے شہریوں کے دشمن، ملک کے دشمن ہیں اور شہریوں کو نقصان پہنچانے والے کبھی محب وطن نہیں ہو سکتے، ملک و قوم کو دہشتگردی کی وجہ سے بہت سے نقصانات کا سامنا ہوا ہے۔ آج ہماری پسماندگی کی ایک بڑی وجہ دہشتگردی ہے جس کی وجہ سے ہمیں ہزاروں جانوں کا نقصان ہوا ہے۔ قیمتی جانوں کی قربانی کو ضائع نہ ہونے دیا جائے اور شہیدوں کے ساتھ وفا کرتے ہوئے دہشتگردوں کو ان کے انجام تک پہنچایا جائے،ایم ڈبلیوایم کی عوامی خدمت کے سفرمیں شہدائے کوئٹہ کی قربانیاں مینارہ ہدایت ہیں۔

بیان میں کہا گیا کہ ملک دشمن عناصرکو ان کے ناپاک عزائم میں ہرگز کامیاب نہیں ہونے دیں گے۔ ہزارہ ٹاون میں ایک ہی دن میں سینکڑوں بے گناہ ہزارہ قوم سے تعلق رکھنے والے لوگوں کو شہید کر دیا گیا تھا، کوئی بھی مسلمان ایسا کام ہرگز نہیں کر سکتا۔ ملک دشمن عناصر اپنے ناپاک مقاصد کے حصول کیلئے دہشتگردوں کوپروان چڑھانے کی بھرپور کوشش کر رہے ہیں مگر یہ ہماری ذمہ داری ہے کہ ہم انکا راستہ روکیں۔ ہم سب یہ جانتے ہیں کہ آج کی نئی نسل ہمارے روشن مستقبل کی ضمانت ہے اور انہیں دہشتگردی کا نشانہ بنا کر وہ ہمیں ایک سنہری مستقبل سے محروم رکھنا چاہتے ہیں۔

بیان میں مزید کہا گیا کہ دہشتگردی کے واقعات میں ابھی تک کمی نہیں آئی ہے اور ان واقعات کا بڑھ جانا دہشتگردوں کو چھوٹ دینے کا نتیجہ ہے، اگر دہشتگردوں کے خلاف بروقت کاروائیاں کی جاتی اور انکی جڑین کاٹ لی جاتی تو ہمیں سینکڑوں جانوں کی ضیاع کا سامنا نہیں کرنا پڑتا اور ابھی بھی اگر سخت اقدامات نہ اٹھائے گئے تو مستقبل میں مزید نقصانات کا سامنا ہو سکتا ہے ۔ قوم دہشتگردوں کے خلاف متحدہے دہشتگردی کی سوچ کو ختم کرنے کیلئے کام کیا جائے۔ ہمیں یہ بات یاد رکھنی چاہئے کہ وطن عزیز پاکستان کا قیام ہی اسلام کے نام پر ہوا ہے اور اسے نقصان پہنچانے والے ہرگز مسلمان نہیں ہوسکتے، اسلام کے نام پر دھوکہ دے کر دہشتگردی کرانے کی ترغیب مزید نہیں چل سکتی۔ بیان کے آخر میں شہدائے ہزارہ ٹاون کو خراج عقیدت پیش کیا گیا اورکہا گیا کہ جب انہیں دہشتگردی کا نشانہ بنایا گیا تھا توساری قوم انکے غم میں انکے ساتھ شریک تھی اور دھرنے کی کال پر پوری قوم نے انکے آواز پر لبیک کہا تھا جو ہمارے وحدت کا منہ بولتا ثبوت ہے۔

وحدت نیوز (کوئٹہ) مجلس وحدت مسلمین کوئٹہ ڈویژن کےوفد نے صوبائی سیکریٹری امور سیاسیات اور رکن بلوچستان اسمبلی آغا سید محمد رضا کی قیادت میں پشتونخواہ ملی عوامی پارٹی کے مرکزی سیکریٹریٹ کا دورہ کیااور اتحادی جماعتوں کے متفقہ امیدوار ڈاکٹر کلیم اللہ اور یونس بلوچ کی کامیابی پر مبارک باد پیش کی، اس موقع پر آغا رضا نے گفتگو کرتے ہوئے  کہاہے کہ کوئٹہ کے ’’ میئر اور ڈپٹی میئر ‘‘ کے لیے اتفاق رائے سے تمام اتحادی جماعتوں کے متفقہ امیدوار ڈاکٹر کلیم اللہ اور یونس بلوچ کی کامیابی سے کوئٹہ شہر پر مثبت اثرات مرتب ہونگے ،جو اس وقت مختلف مسائل کا شکار ہے ۔ شہر کی ترقی اور امن و امان کا قیام اولین ترجیح ہونی چاہیے۔ پشتونخواہ ملی عوامی پارٹی ، مجلس وحدت مسلمین ، نیشنل پارٹی ، مسلم لیگ (ن) اور آزاد ارکان کے اتحاد و اتفاق سے یہ کامیابی ملی ہے۔ کوئٹہ شہر کی تعمیر و ترقی کے لیے یہ اتحادی جماعتیں مل کر کام کرینگے۔امید ہے کہ اس سلسلے میں کوئٹہ میٹرو پولیٹن کارپوریشن کے ایک ایک کونسلرز سے مشاورت کی جائیگی۔اس مرتبہ کوئٹہ سے جو کونسلرز منتخب ہوئے ہیں وہ کوئٹہ کی ترقی اور خوشحالی کو یقینی بنائینگے اور کوئٹہ کے مسائل حل کرلیے جائینگے۔ ہم ڈاکٹر کلیم اللہ کو میئر اور یونس بلوچ کو ڈپٹی میئر منتخب ہونے پر مبارک باد پیش کرتے ہیں اور امید کرتے ہیں کہ وہ کوئٹہ کے عوام کے مسائل پر بھر پور توجہ دینگے اور اسے حل کرنے کی کوشش کرینگے۔ مجلس وحدت مسلمین کے کونسلرز کا نومنتخب میئر کوئٹہ ڈاکٹر کلیم اللہ اور ڈپٹی میئریونس بلوچ سے بھرپور تعاون جاری رئیگا۔

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق حلقہ پی بی 2 کوئٹہ 2 کے عوامی نمائندے اوررُکن صوبائی اسمبلی آغا محمد رضا نے کہاہے کہ حکومت نام نہاد مذاکراتی عمل کاڈھونگ رچاکرعوام کے جان و مال سے مکمل طورپرغافل ہوچکی ہے۔کراچی، ڈیرہ اسماعیل خان اورپشاور میں ملت جعفریہ اوردیگرمعصوم انسانوں کی ٹارگٹ کلنگ اورپھرپشاورمیں حالیہ بم دھماکہ ملک و قوم کے خلاف سازش اوربے حس حکمرانوں کی ناکامی کاثبوت ہے۔

آغارضانے مزیدکہاکہ ملک میں جگہ جگہ معصوم پاکستانیوں کی ٹارگٹ کلنگ ارباب اقتدارکے لئے سوالیہ نشان ہے۔انہوں نے اس ملک میں جاری دہشت گردی کے واقعات پرگہری تشویش کااظہارکرتے ہوئے کہاکہ مٹھی بھردہشت گردوں نے پورے ملک کودہشت گردی کے ذریعہ یرغمال بنا رکھا ہے۔ہم کب تک اپنے پیاروں کے لاشیں اٹھاتے رہیں گے؟انہوں نے کہاکہ ہمیں صرف حب الوطنی کی سزادی جارہی ہے۔

آغارضاکاکہناتھا کہ اگرہم سب بھی مارے جائیں لیکن ہم دین اوروطن عزیزپاکستان کو قتل ہونے نہیں دیں گے۔سنی شیعہ نے مل کرپاکستان بنایاہے اوروہی مل کرپاکستان بچائیں گے۔ امن کے لئے ہم سے مادر وطن جتنی مزیدقربانیاں چاہے ہم دینے کوتیارہیں۔انہوں نے مزیدکہاکہ ملک میں امن دہشت گردوں کے سامنے دامن پھیلانے سے نہیں بلکہ تنگ نظراورمتعصب دہشت گردوں اوران کے سرپرستوں کاسرکچلنے سے ہی قائم ہوگا۔

وحدت نیوز(کوئٹہ) مجلس وحدت مسلمین کے رہنما اور رکن بلوچستا ن اسمبلی آغا سید محمد رضا رضوی نے صوبائی مشیر تعلیم سردار محمد رضا بڑیچ سے ان کے دفتر میں ملاقات کی ، اس موقع پر آغا رضا نے صوبائی مشیر تعلیم کو حلقہ پی بی ۲ میں موجود ہ تعلیمی صورتحال سے سے آگاہ کیا اور طلبہ و طالبات کو درپیش مسائل اور اسکولوں کی حالت زار پر تفصیلی بات چیت کی ، آغا رضا نے سردار محمد رضا بڑیچ سے درخواست کی کہ وہ حلقہ پی بی ۲کا تفصیلی دورہ کریں اور وہاں اسکولوں کے معیا رکو بہتربنانے میں تعاون کریں ، سردار محمد رضا بڑیچ نے آغا رضا کو اپنے مکمل تعاون کی یقین دہانی کرائی۔