وحدت نیوز (رحیم یار خان) مجلس وحدت مسلمین ضلع رحیم یار خان کے سیکرٹری جنرل سید حسنین رضا نقوی نے تحصیل رحیم یار خان اور خانپور میں مختلف علاقوں کے دورہ جات کئے، اس موقع پر انہوں نے خانپور سٹی، بستی شہداء، گڑھی اختیار خان، آفیسر کالونی، پل قادر والی، کوٹ سمابہ، بستی باغوں، واہی جمن شاہ، بستی لنگرانوں میں عمائدین علاقہ، علمائے کرام، سیاسی و سماجی شخصیات سے ملاقاتیں کیں اور ملکی صورتحال سمیت تنظیمی امور پر بات چیت کی۔ علاوہ ازیں تحصیل خانپور میں مجلس وحدت مسلمین کے تحصیل سیکرٹری جنرل اور کابینہ کا تقرر بھی کیا گیا۔ اس موقع پر سید حسنین نقوی نے کہا کہ انشاء اللہ جلد تحصیل لیاقت پور کا سیٹ اپ بھی تشکیل دے دیا جائے گا۔